سەمينار كەڭەستى «مۇنايتەلەكوم» جشس-نىڭ باس ديرەكتورى مۇقاشەۆ ەربول مىرزاعالي ۇلى اشىپ, سىبايلاس جەمقورلىق تۋرالى كىرىسپە ءسوز سويلەدى.
ول قازىرگى كەزدە سىبايلاس جەمقورلىق الەمنىڭ كەز كەلگەن ەلىندە ونىڭ ساياسي دامۋىنا بايلانىسسىز, ونىڭ ىشىندە قازاقستاندا دا, الەۋمەتتىك قۇبىلىس رەتىندە ءومىرىن جالعاستىرىپ كەلەتىنىن جانە ول تەك اۋقىمدىلىعىمەن عانا ەرەكشەلەنەتىنىن ايتتى. سىبايلاس جەمقورلىق الەۋمەتتىك-ەكونوميكالىق دامۋ ۇدەرىسىن, نارىقتىق ەكونوميكانىڭ قۇرىلۋىن, ينۆەستيتسيالاردى جان-جاقتان تارتۋ پروتسەسىن تەجەيتىنىن باياندادى.
شاراعا لەكتور رەتىندە شاقىرىلعان سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ الدىن الۋ جانە پاراساتتىلىق باسقارماسىنىڭ باس مامانى مۇقاتاي نۇرگۇل تۇرلىبايقىزى پرەزيدەنتتىڭ 2019 جىلعى 13 ماۋسىمداعى №12 جارلىعى نەگىزىندەگى وزگەرىستەر, اگەنتتىكتەگى جاڭا قۇرىلىمدارى, پاراساتتىلىق دەپارتامەنتىنىڭ ميسسياسى تۋرالى تۇسىنىك بەردى.
جيىن بارىسىندا سىبايلاس جەمقورلىققا قارسى زاڭناما تالاپتارى, جەمقورلىق ارەكەتتەرىنە جول بەرگەن جاعدايداعى جالپى جاۋاپكەرشىلىك تۋرالى باياندالدى.
شارا سوڭىندا سىبايلاس جەمقورلىق قىلمىس جاساپ, جاساعان قىلمىسى ءۇشىن تەمىر توردىڭ ارعى جاعىندا جازاسىن وتەپ جۇرگەن جاندار تۋرالى ۆيدەوفيلم كورسەتىلدى. ولاردىڭ جاساعان ءىس-ارەكەتىنە وكىنەتىنى تۋرالى ءوز اۋزىمەن ايتقان اشىق اڭگىمەسى كوپكە وي سالدى.
