100 • 21 قاراشا، 2019

«ەگەمەن» ەستەن شىقپايدى

113 رەتكورسەتىلدى

پاۆلودار وبلىستىق «قىزىل تۋ» – قازىرگى «سارىارقا سامالى» گازەتىندە جۇمىس ىستەپ جۇرگەندە «سوتسياليستىك قازاقستان» گازەتىنە ارا-تۇرا قىسقا حابارلار جولداپ تۇراتىن ەدىم. ءوڭىردىڭ وندىرىستىك احۋالى تۋرالى «سازىنا دەيىن سارى التىن» دەيتىن كولەمدى دۇنيە ۇسىندىم. ماقالا كوپ ۇزاماي جارق ەتىپ جاريا­لاندى. باس رەداكتور شەرحان مۇرتازا سول ماقالانى وقىپ، «مىنا جىگىتتى تابىڭدار» دەپ ورىنباسارى ەرجۇمان سمايىلعا تاپسىرما بەرىپتى. ەراعاڭ قوڭىراۋ شالدى. «سول جاقتا جۇرە بەرەسىڭ بە، الماتىعا كەلۋ ويدا جوق پا؟ شەراعاڭ سەنى جۇمىسقا شاقىرىپ جاتىر» دەدى.

مۇنداي ۇسىنىس كۇتپەگەن جەردەن بولعاسىن ءا دەگەندە ابدىراپ قالعانىم راس. كوپ ويلانباي كەلىسىم بەردىم. سونىمەن، 1990 جىلدىڭ كوكتەمىندە الماتىعا قونىس اۋدارىپ، گازەتتىڭ ەكونوميكا بولىمىنە ءتىلشى بولىپ ورنالاستىم. شەرحان اعا جىلى قابىلدادى. شامالى ۋاقىت وتكەن سوڭ ءبولىمنىڭ اعا ءتىلشىسى، ءبىر جىلدان كەيىن ەكونوميكا ءبولىمىنىڭ رەداكتورى قىزمەتىن اتقاردىم. شەراعاڭ ول كەزدە گازەتتەگى ءبىر­تا­لاي ءبولىمدى ىرىلەندىرىپ، اۋىل شارۋا­شىلىعى، مال شارۋاشىلىعى، ەگىن شارۋا­شى­­لىعى، الەۋمەتتىك ماسەلەلەر ءبولىمى دە­گەندەردىڭ باسىن بىرىكتىردى. ءسويتتى دە رە­داكتسيادا اشىق داۋىسپەن، بالامالى جول­مەن سايلاۋ ۇيىمداستىردى. ءبولىم رەداك­تورى بولعان ادام بىردەن رەداكتسيا القا­سىنا مۇشە بولدى.

شەراعاڭنىڭ تىكەلەي باسشىلىعىمەن ەكونوميكا ماسەلەلەرىن قاۋزاپ جازا باس­تا­دىق. ەگەمەندىك كەپىلى بولىپ سانالا­تىن رەسپۋبليكالىق التىن-ۆاليۋتا رەزەر­ۆىن قۇرۋ، اينالىمعا ءتول تەڭگەمىزدى شى­عا­رۋ، جەكەشەلەندىرۋ ءتارىزدى ءىرى شارۋالار­­دى كوتەردىك. وداقتىق بايلانىستار، قار­جى-قاراجات، سالىق ماسەلەلەرى گازەت بەتىندە تۇراقتى جازىلدى. ءالى تەڭگە دەگەن ۇعىم پايدا بولماي تۇرعاندا ۇلت­تىق ۆاليۋتامىزدىڭ قاجەتتىلىگى تۋرالى ماسە­لە­نى كۇن تارتىبىنە شىعارعان ەدىك. شەراعاڭ بىزگە بارلىق جاعىنان قولداۋ جاسادى. جاس­تار­دى جىگەرلەندىردى.

ءابىش كەكىلباي ۇلى رەداكتور بولعان تۇستا دا ەكونوميكا تاقىرىبىنا باسا كوڭىل ءبولىندى. ول كىسى جوعارعى كەڭەستە كومي­تەت توراعاسى قىزمەتىن قوسا اتقاردى. كوبىندە پارلامەنت قابىرعاسىندا بولادى. مەيلىنشە كەڭ، پاراساتتى باسشى بولدى.

نۇرلان ورازالين اعامىز باس رەداكتور بولعان تۇستا مەن ول كىسىنىڭ ەكونوميكا جانە كوممەرتسيالىق ماسەلەلەر جو­نىن­دەگى ورىنباسارى بولدىم. گازەت ىشى­نەن «قازاقستان» دەگەن قارجىلىق قو­سىم­شا اشتىق. وندا رەسپۋبليكامىزدا جۇزە­گە اسىرىلىپ جاتقان ەكونوميكالىق رەفور­ما­لاردىڭ بارىسى، تۇرعىن ءۇيدى كۋپوندىق جە­كەشەلەندىرۋ، وندىرىستىك نىسانداردى جەكە­شەلەندىرۋ ماسەلەلەرىمەن قوسا جەكە قوجا­لىق جۇرگىزۋ، ساياجايدى يگەرۋ، جەر تەلىمدەرىن دۇرىس پايدالانۋ توڭىرەگىندە تالاي ماسەلە كوتەرىلدى.

 گازەت رەداكتسياسى جانىنان «ەگە­مەن» دەگەن كومپانيا اشىپ، ونىڭ قۇ­رىل­تاي قۇجاتتارىن ازىرلەپ، رەداكتسيا قىز­مەت­كەرلەرىنىڭ ماتەريالدىق جاع­دا­يىن جا­ساۋ­عا اتسالىسقان ەدىك. سونىڭ ارقا­سىن­دا رەداكتسياعا الماتىدان بەس بولمەلى پا­تەر، اۆتوبۋس، كاماز، ميكرواۆتوبۋس ساتىپ الدىق.

سول كاماز-دىڭ گازەت ۇجىمى استاناعا قونىس اۋدارعاندا بارلىق جۇكتى تاسىپ جەت­كى­زۋگە پايداسى ءتيدى...

ايتا بەرسەك، «ەگەمەندەگى» كۇندەر تۋرالى ەستەلىك كوپ.

2005 جىلى «ەگەمەن قازاقستانعا» باس ديرەكتور بولىپ تاعايىندالدىم. گازەت­تە جۇمىس ىستەگەن قاي كەزەڭ دە ەستەن شىق­پاي­دى.

قارا شاڭىراق سانالاتىن باسىلىمدى، ۇجىمداعى ارىپتەستەرىمدى 100 جىلدىق مەرەيتويىمەن قۇتتىقتايمىن! ەگەمەن ەلىمىز­بەن بىرگە جاساي بەرسىن دەگەن تىلەك­تە­مىن.

 

نۇرتورە ءجۇسىپ،

سەنات دەپۋتاتى

 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار