«قازاقستانعا كارسك تەڭىزىنەن كەلگەن سۋىق اۋا ماسسالارى رەسپۋبليكانىڭ سولتۇستىك, ورتالىق جانە شىعىس وبلىستارىندا كۇننىڭ سۋىتۋىنا سەبەپشى بولدى. تۇنگى اۋا تەمپەراتۋراسى 28-32 گرادۋس ايازعا دەيىن تومەندەسە, كۇندىز مينۋس 18-23 گرادۋستان جوعارى بولعان جوق, بۇل ورتاشا كوپجىلدىق ماننەن 8-13 گرادۋس تومەن» دەلىنگەن حابارلامادا.
اركتيكالىق سۋىق فرونت وڭتۇستىك باعىتتا جىلجيدى, سوعان بايلانىستى كەي جەرلەردە قار, بۇرقاسىن, سولتۇستىك-شىعىستان ەكپىندى جەل جانە قازاقستاننىڭ وڭتۇستىك جانە وڭتۇستىك-شىعىسىندا تەمپەراتۋرانىڭ تومەندەۋى كۇتىلەدى. ال سولتۇستىك وبلىستاردا باتىس ءسىبىردىڭ سولتۇستىگىنەن كەلەتىن كەزەكتى تسيكلون مەن 22-23 قاراشادا ايازدىڭ السىرەۋى كۇتىلەدى.
