شارا بارىسىندا نۇرگۇل مۇقاتاي ءوز سوزىندە اق حالاتتى ابزال جانداردىڭ وسى ماماندىقتى تاڭداعاندا-اق ەڭ قيىن جولدى العانى, ولار ءوز ۋاقىتىمەن ساناسپاي, ەل ءۇشىن قىزمەت ەتۋگە انت ەتكەنىن ايتىپ ءوتتى. ەندەشە, وسىنداي قاسيەتتى ماماندىق يەلەرى ءوز قىزمەتتەرىندە ادال دا تازا بولۋى زاڭدىلىق ەكەنىن اتاپ كورسەتتى.
الايدا كەيبىر قىزمەتكەرلەردىڭ «التىن كورىپ, جولدان تايىپ» جاتاتىنى دا بار. وسىعان مىسال رەتىندە جازا باسىپ, تەمىر توردىڭ ارعى جاعىندا وپىنىپ وتىرعان جاندار تۋرالى ۆيدەوروليك كورسەتىلدى.
سونىمەن قاتار ايناگۇل بايباتىروۆا ۇكىمەتتىك ەمەس ۇيىم تاراپىنان سىبايلاس جەمقورلىققا قارسى ءىس-قيمىلدى ءتيىمدى جۇرگىزۋ ءۇشىن, قوعامدا سىبايلاس جەمقورلىققا قارسى مادەنيەتتى قالىپتاستىرۋ ماقساتىندا ءار قىزمەتشى وزگەرىستى وزىنەن باستاۋ كەرەكتىگىن ايتا ءوتىپ, تۇلعا بويىندا قالىپتاساتىن پاراساتتىلىق, ادالدىق, ادىلدىك سەكىلدى قۇندىلىقتاردى كەڭىنەن ناسيحاتتاۋ قاجەتتىلىگىن ايتتى.
سونداي-اق شارا سوڭىندا 1424 ساندى قىزۋ جەلى ارقىلى سىبايلاس جەمقورلىق قىلمىستار مەن قۇقىق بۇزۋشىلىقتار جونىندە حابارلاۋعا بولاتىنى جونىندە, حابارلاعان ادام جونىندە قۇپيالىق ساقتالاتىنى جانە اقشالاي سىياقى بەرىلەتىنى جونىندە ايتىلدى.
