- «قازاقستاننىڭ كوپتەگەن ايماقتارىندا قىس مەزگىلى وتە سۋىق بولاتىنىنا بايلانىستى بۇل وتىن ءتۇرى وتاندىق تۇتىنۋشىلار اراسىندا كەڭىنەن سۇرانىسقا يە بولادى. العاشقى پارتياسى اتىراۋ مۇناي وڭدەۋ زاۋىتىنان 14 قاراشادا جونەلتىلدى. بۇگىنگى كۇنى 3088 تونناسى تيەلدى. اتىراۋ ءموز-ءى قاراشا ايىندا بارلىعى 3500 توننانى جونەلتۋدى جوسپارلاپ وتىر, - دەپ حابارلادى «قازمۇنايگاز» ۇك اق باسقارما توراعاسىنىڭ مۇناي وڭدەۋ جانە ماركەتينگى جونىندەگى ورىنباسارى دانيار تيەسوۆ.
Khazar -38 ديزەل وتىنى – زاۋىت ءۇشىن دە, بۇكىل قازاقستان ءۇشىن دە بىرەگەي ءونىم. ول ك5 ەكولوگيالىق ساناتقا سايكەس كەلەدى, ياعني قۇرامىندا كۇكىرت پەن پارافيندەرى جوقتىڭ قاسى جانە تومەن تەمپەراتۋرانىڭ ەرەكشەلىكتەرىنە اسەر ەتەتىن قوسپالارى جوق. بۇل – تەحنولوگيالىق پروتسەستىڭ تازا ءونىمى.
قازاقستاندا وسىنداي قاتۋ دەڭگەيى تومەن وتىن تەرەڭ وڭدەۋ كەشەنىنىڭ Prime D ديزەل وتىنىن گيدروتازالاۋ جانە دەپارافينيزاتسيالاۋ قوندىرعىسىندا عانا وندىرىلەدى.
ەسكە سالا كەتەيىك, 2018 جىلدىڭ سوڭىندا ءاموز جاڭا مۇناي ونىمدەرىنىڭ بىرنەشە ءتۇرىن شىعارا باستادى: ك5 ەكولوگيالىق ساناتىنان ءسۇزۋدىڭ شەكتى تەمپەراتۋراسى -25 بولاتىن ديزەل وتىنىن جانە ءسۇزۋدىڭ شەكتى تەمپەراتۋراسى -32 بولاتىن ديزەل وتىنىن (Khazar). بۇل اۋقىمدى جاڭعىرتۋ اياسىندا سالىنعان مۇنايدى تەرەڭ وڭدەۋ كەشەنىنىڭ جاڭا قوندىرعىلارىن ىسكە قوسۋدىڭ ارقاسىندا مۇمكىن بولدى. وسىلايشا, بۇگىندە ءاموز قىسقى ديزەل وتىندارىنىڭ كەلەسى تۇرلەرىن وندىرۋگە مۇمكىندىگى بار: ءسۇزۋدىڭ شەكتى تەمپەراتۋراسى -15س,-25س, -32س, -38س بولاتىن ديزەل وتىندارى.
