ايماقتار • 19 قاراشا، 2019

ماڭعىستاۋدا «جومارت جۇرەك» سىيلىعى تابىستالدى

21 رەتكورسەتىلدى

اقتاۋدا دوستىق ۇيىندە ەلباسىنىڭ «بولاشاققا باعدار: رۋحاني جاڭعىرۋ» ماقالاسى، «تۋعان جەر» باعدارلاماسى اياسىندا ماڭعىستاۋ وبلىسى بويىنشا «جومارت جۇرەك» سىيلىعىنىڭ لاۋرەاتتارىن سالتاناتتى قۇتتىقتاۋ ءراسىمى ءوتتى. بۇل تۋرالى ماڭعىستاۋ وبلىسى بويىنشا اسسامبلەيا حاتشىلىعى ءباسپاسوز قىزمەتى حابارلادى.

شارانىڭ ماقساتى – حالىقتى، بيزنەس-قۇرىلىم وكىلدەرىن، مەتسەناتتاردى، ۇكىمەتتىك ەمەس ۇيىمدار مەن ۆولونتەرلەردى ىنتالاندىرۋ، ازاماتتاردىڭ بەلسەندىلىگىنىڭ ۇزدىك تاجىريبەسىن تاراتۋ، قايىرىمدىلىق قىزمەت، مەتسەناتتىق پەن مەيىرباندىق يدەيالارىن تانىمال ەتۋ.

شاراعا وبلىس اكىمىنىڭ ورىنباسارى ق.جۇماشەۆ، مەملەكەتتىك مەكەمە باسشىلارى، اۋدان، قالا اكىمدەرى، وبلىستىق ءىرى كومپانيا وكىلدەرى، ەتنومادەني بىرلەستىكتەردىڭ توراعالارى مەن مۇشەلەرى، وبلىستىق ءماسليحات دەپۋتاتتارى، سونداي-اق ەتكەن ەڭبەگى مەن توككەن تەرىنىڭ ارقاسىندا قاراپايىم حالىق اراسىنان دارالانىپ، كىندىك قانى تامعان اۋىلى مەن ءوز ءوڭىرىنىڭ وركەندەۋىنە ۇلەس قوسىپ جۇرگەن مەتسەناتتار قاتىستى.

ءىس-شارا بارىسىندا ماڭعىستاۋدىڭ دامۋىنا ۇلەس قوسقانى ءۇشىن 15 ۇزدىك مەتسەنات ماراپاتتالدى.

تۋعان جەرىندە ءىرى الەۋمەتتىك جوبالاردى ىسكە اسىرعانى ءۇشىن، از قامتىلعان، كوپ بالالى جانۇيالارعا، اتا-انانىڭ قاراۋىنسىز قالعان جەتىم بالالارعا، مۇگەدەكتەرگە، ۇوس ارداگەرلەرىنە، زەينەتكەرلەرگە قايتارىمسىز كومەك كورسەتكەنى ءۇشىن «جىل مەتسەناتى» نوميناتسياسىمەن ب.بورانباەۆ جانە ا.مەڭدىباەۆ  ماراپاتتالدى.

ەلدى مەكەندەردى اباتتاندىرۋعا، دەمالىس باقتاردى، اللەيالاردى، ەسكەرتكىشتەردى، بالالار ويىن الاڭدارىن رەكونسترۋكتسيالاۋعا جانە سالۋعا، دەنساۋلىق ساقتاۋ، مادەنيەت، ءبىلىم بەرۋ جانە سپورت سالالارىنا دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن «تۋعان ولكە» نوميناتسياسى ن.ەديلوۆ، ر.بوراشوۆ جانە ت.مۇساەۆقا تابىستالدى.

بەلسەندى ازاماتتىق ۇستانىمى، ءارتۇرلى باعىتتاعى كەڭ اۋقىمدى قايىرىمدىلىق قىزمەتتى جۇزەگە اسىرعانى ءۇشىن «جىل تۇلعاسى» نوميناتسياسىن ا.قوسۋاقوۆ، ق.ناۋرىزماعامبەتوۆ جانە ت.ەسەنگەلدينا  يەلەندى.

الەۋمەتتىك ماڭىزى بار جوبالاردى، قايىرىمدىلىق جوبالاردى جانە اكتسيالاردى ءتيىمدى جۇزەگە اسىرعانى ءۇشىن، قايىرىمدىلىق كومەك بەرۋدىڭ جاڭا ءتيىمدى تۇرلەرىن ەنگىزگەنى جانە قوعامدىق ماڭىزى بار شارالارعا باس دەمەۋشىلىك جاساعانى ءۇشىن «جىلدىڭ ۇزدىك ۇيىمى» نوميناتسياسىمەن «نورت كاسپيان وپەرەيتينگ كومپاني» («NCOC») كومپانياسى، «قاراجانباسمۇناي» اكتسيونەرلىك قوعامى جانە «وعىلاندى-بەكەت اتا» قوعامدىق قورى ماراپاتتالدى.

ۆولونتەرلىك قىزمەتتەرگە بەلسەندى قاتىسقانى ءۇشىن «ەرەن ەرىكتىلىگى» نوميناتسياسىمەن ء«بىز ادامدار - ءبىز بىرگەمىز» قوعامدىق قورى، «ايتىمان» قوعامدىق قورى جانە و.سەيدوۆ  ماراپاتتالدى.

«جومارت جۇرەك» سىيلىعىنىڭ لاۋرەاتتارىن سالتاناتتى قۇتتىقتاۋ ءراسىمى ءوڭىر ونەرپازدارى ۇسىنعان مەرەكەلىك كونتسەرتپەن جالعاستى.

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار