ايماقتار • 17 قاراشا، 2019

س.ترۇموۆ تۇرعىندار ساۋالدارىنا جاۋاپ بەردى

85 رەتكورسەتىلدى

«ماڭعىستاۋ» ارناسىندا  وبلىس اكىمى سەرىكباي ترۇموۆ «اكىم ساعاتى» باعدارلاماسى اياسىندا ءوڭىر تۇرعىندارىنىڭ ساۋالدارىنا جاۋاپ بەردى. بۇل تۋرالى ماڭعىستاۋ وبلىستىق ىشكى ساياسات باسقارماسى باق ءبولىمى حابارلادى. وبلىس حالقىن تولعاندىرعان باستى دۇنيەلەر – وبلىسىشىلىك، اۋدانىشىلىك جانە قالاىشىلىك جولداردىڭ جاي-كۇيى، جولاۋشىلار تاسىمالىن جۇيەلى ۇيىمداستىرۋ مەن قوعامدىق كولىكتەردى جاڭارتۋ، جاڭا شاعىن اۋدانداردىڭ ينجەنەرلىك ينفراقۇرىلىمىن جاساقتاۋ، سونداي-اق ءبىلىم بەرۋ جۇيەسىندەگى ولقىلىقتاردى جويۋ، دەنساۋلىق ساقتاۋ سالاسىنداعى ساپالى قىزمەت پەن حالىقتى جۇمىسپەن قامتۋ ماسەلەلەرى ءارى قالانىڭ بولاشاقتاعى دامۋ جوسپارى ەدى. وبلىس اكىمى تۇرعىندار تاراپىنان تۇسكەن تۇيىتكىلدى ماسەلەلەر توڭىرەگىندەگى ساۋالدارعا تۇشىمدى جاۋاپ بەردى.

90 مينۋتقا سوزىلعان تىكەلەي ەفير باراسىندا وبلىس اكىمىنە جۇزدەگەن ساۋال كەلىپ ءتۇستى. ماسەلەن، الداعى جىلى توزىعى جەتكەن كولىكتەر 18 اۆتوبۋسپەن الماستىرىلادى. سولتۇستىك-باتىسقا قاراي قانات جايعان قالا اۋماعىندا قوعامدىق كولىك قاتىنايتىن جاڭا باعىتتار پايدا بولادى. قازىرگى تاڭدا جولاۋشىلار تاسىمالىن ۇزدىكسىز جۇرگىزۋ ماقساتىندا اۆتوبۋستاردىڭ جول ءجۇرۋ باعىتتارىنا بىرقاتار وزگەرىستەر ەنگىزۋ كوزدەلگەن.
ساپاسىز جول قالا كەلبەتىنە سىزات تۇسىرەدى. قاۋىپسىزدىككە دە قاتەر توندىرەدى. سول سەبەپتى بيىل 5 شاعىن اۋداننىڭ ىشكى جولدارىن اعىمداعى جوندەۋ جۇمىسىنا 6 ملن. تەڭگە باعىتتالعان. شۇقىر-تەسىكتەردى جاماۋ، تەگىستەۋ بويىنشا قاۋىرت جۇمىستىڭ قازىرگى تاڭدا 90 پايىزى تولىق ورىندالعان.
وبلىس اكىمىنە ەڭ ءجيى جولدانعان ساۋالداردىڭ ءبىرى – قالا تازالىعى. تۇرعىندار قوردالانعان قالدىقتار مەن كۇل-قوقىستان ارىلتۋ ىسىمەن اينالىساتىن مەكەمەلەر قىزمەتىنە كوڭىلى تولمايتىندىعىن دا جەتكىزدى. قازىرگى تاڭدا قالا تازالىعىنا جاۋاپتى مەكەمەلەرمەن جۇيەلى جۇمىستار جۇرگىزىلۋدە. كۇل-قوقىستى جينايتىن ارنايى تەحنيكانىڭ جەتكىلىكسىزدىگى ماسەلەنىڭ تۋىنداۋىنا باستى سەبەپشى بولىپ وتىر. وبلىس اكىمى بۇل باعىتتا بىرقاتار ءىس-شارالار ىسكە اساتىندىعىن جەتكىزدى.
سونداي-اق «اكىم ساعاتىندا» وبلىستاعى وزگە قالالار مەن اۋداندارداعى ەڭ وزەكتى ماسەلەلەر ءسوز بولدى. جاڭاوزەن قالاسىنداعى اپاتتى جاعدايداعى ۇيلەردى كۇردەلى جوندەۋدەن وتكىزۋ ءۇشىن ارنايى ءىس-شارالار جوسپارى جاساقتالعان. وزەكتى ماسەلە جاڭاوزەن قالاسىنىڭ الەۋمەتتىك-ەكونوميكالىق دامۋىنىڭ كەشەندى جوسپارىنا ەنگىزىلگەن. الداعى جىلى قۇرىق اۋىلىندا كارىزدىك تازارتۋ جۇيەسىن سالۋ جوسپارلانعان. تاياۋدا مەملەكەتتىك جەكەمەنشىك ارىپتەستىك اياسىندا «رەال ستروي» مەكەمەسى ارقىلى كارىز تازارتۋ يماراتىنىڭ جوبالىق-سمەتالىق قۇجاتتاماسى جاساقتالىپ، قۇرىلىس جۇمىستارى جۇرگىزىلەتىن بولادى. سونداي-اق، اتامەكەن اۋىلدىق وكرۋگى مەن باسقۇدىق اۋىلدىق وكرۋگتەرىنىڭ جەراستى سۋلارىن جويۋ جانە 2016 جىلى جاۋىن-شاشىننىڭ كوپ تۇسۋىنە بايلانىستى، جاۋىن سۋلارىن اۋىل سىرتىنا شىعارۋ ماقساتىندا درەناج جۇيەسىن جۇرگىزۋ ءۇشىن جوبالىق سمەتالىق قۇجاتتارى جاساقتالدى. الداعى ۋاقىتتا اتالعان جوبانى ءساتتى جۇزەگەگە اسىرۋ كوزدەلگەن. بۇدان بولەك، باعدارلاما بارىسىندا وبلىستىڭ دامۋ باعدارى بويىنشا بىرقاتار ماڭىزدى دۇنيەلەر ءسوز بولدى. سونداي-اق ءوڭىر باسشىسى ولكەنىڭ ءورىستى وركەندەۋىنە وزگەشە سەرپىن بەرۋ، ەكونوميكانى ءارتاراپتاندىرۋ ماقساتىندا ءوندىرشۋ ءارى وڭدەۋشى ونەركاسىپ سالاسىنا قولداۋ كورسەتۋ، ورتا جانە شاعىن كاسىپكەرلىكتى دامىتۋ، حالىقتىڭ تۇرمىس ساپاسىن جاقسارتۋ، تەحنولوگيالىق جەتىستىكتەردى ەل يگىلىگىنە باعىتتاۋ ارقىلى قوعامنىڭ كەز كەلگەن مۇشەسىنە قولايلى ورتا قۇرۋ توڭىرەگىندە كەڭىنەن وي-پىكىر ءوربىتتى.

سونداي-اق، ءوڭىر باسشىسى ارداگەر جۋرناليست جولامان بوشالاق،
قوجاحمەت دەمەۋبەرگەن جانە «ماڭعىستاۋ» تەلەارناسىنىڭ ۇجىمىمەن كەزدەسىپ ارناعا قاتىستى ۇسىنىس، پىكىرلەرىن تىڭدادى.

سوڭعى جاڭالىقتار

كۇلكى كەرۋەنى № 21

رۋحانيات • بۇگىن، 10:41

شاعامان باتىر

تاريح • بۇگىن، 07:28

361 ليفت اۋىستىرىلادى

ايماقتار • بۇگىن، 07:18

وڭىردەگى ونەگەلى ءىس

قوعام • بۇگىن، 07:17

ءىرى ەسەپپەن باسىم ءتۇستى

سپورت • بۇگىن، 07:00

«ءتسۋناميدى» سۇلاتىپ سالدى

كاسىپقوي بوكس • بۇگىن، 06:56

استىڭ ءدامىن كەلتىرگەن

ايماقتار • بۇگىن، 06:53

سايرايدى بۇلبۇل...

رۋحانيات • بۇگىن، 06:51

ءىزى ايقىن، ءىسى مىعىم

قوعام • بۇگىن، 06:49

ۇقساس جاڭالىقتار