قازاقستان • 16 قاراشا، 2019

اسقار مامين جۇمىس ساپارىمەن سولتۇستىك قازاقستان وبلىسىنا باردى

99 رەتكورسەتىلدى

قر پرەمەر-ءمينيسترى اسقار مامين قر تۇڭعىش پرەزيدەنتى – ەلباسى نۇرسۇلتان نازارباەۆ باستاماشى بولعان يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ، «قاراپايىم زاتتار ەكونوميكاسىنىڭ»، سونداي-اق، مەملەكەت باسشىسى قاسىم-جومارت توقاەۆتىڭ سولتۇستىك قازاقستان وبلىسىن الەۋمەتتىك-ەكونوميكالىق دامىتۋ بويىنشا بەرگەن تاپسىرمالارىنىڭ ىسكە اسىرىلۋىن قامتاماسىز ەتۋ اياسىندا وڭىرگە جۇمىس ساپارىمەن باردى.

پەتروپاۆل قالاسىندا قر ۇكىمەتىنىڭ باسشىسى جوبالىق قۋاتتىلىعى جىلىنا 6 مىڭ توننا سۇيىق جانە قاتتى سابىندى قۇرايتىن، تۇرمىستىق حيميا تاۋارلارى مەن جۋ قۇرالدارىن شىعاراتىن «ريم – قازاگرو» جشس فابريكاسىنىڭ اشىلۋ راسىمىنە قاتىستى. «قاراپايىم زاتتار ەكونوميكاسى» باعدارلاماسىنىڭ اياسىندا كاسىپورىن قازاقستانداعى مال جانە وسىمدىك مايلارىن ەكولوگيالىق تازا ونىمگە — وسىعان دەيىن يمپورتتالىپ كەلگەن سابىن تۇيىرشىكتەرىنە وڭدەيتىن العاشقى ءوندىرىس بولماق.

 ا. مامين قازاقستاننىڭ ماشينا جاساۋ سالاسىنىڭ كوشباسشىلارى — «س.م. كيروۆ اتىنداعى زاۋىت» اق مەن «پەتروپاۆل اۋىر ماشينا جاساۋ زاۋىتىنىڭ» (پامز) تەحنولوگيالىق جاڭعىرتىلۋ بارىسىمەن تانىستى.

 س.م. كيروۆ اتىنداعى زاۋىت 2،2 ملرد تەڭگەگە زاماناۋي ستانوكتار الدى. جاڭا تسەحتا كوپقاباتتى پلاتالار – بارلىق تۇرمىستىق تەحنيكا بولشەكتەرى وندىرىلەدى. قازاقستاندا بۇل جابدىقتىڭ بالاماسى جوق. بيىل زاۋىت قازاقستاندىق برەندپەن زاماناۋي كومپيۋتەرلىك تەحنيكا ءوندىرىسىن يگەرەدى، بۇل وتاندىق اقپاراتتىق جۇيەلەردىڭ قاۋىپسىزدىگىن قامتاماسىز ەتۋدىڭ جانە ەلەكتروندى ونەركاسىپتى دامىتۋدىڭ ماڭىزدى فاكتورى بولماق.

پامز 39 زاماناۋي ونىمدىلىگى جوعارى ستانوكتار ساتىپ الدى، بارلىق تەحنولوگيالىق پروتسەسس كومپيۋتەرلەندىرىلگەن. تەز بۇزىلاتىن ونىمدەردى تاسىمالداۋعا ارنالعان تەرموس ۆاگونداردى شىعارۋدىڭ جاڭا جەلىسى اشىلدى. وسى جىلدىڭ قورىتىندىسى بويىنشا زاۋىت ونىمدەرىنىڭ كولەمىنىڭ 9،4 ملرد تەڭگەگە دەيىن ءوسىمى كۇتىلۋدە، بۇل وتكەن جىلدىڭ كورسەتكىشىنەن 2،5 ەسەگە ارتىق (3،4 ملرد تەڭگە).

ۇكىمەت باسشىسى پەتروپاۆل قالاسىنداعى «شىعىس»  ىقشاماۋدانىندا 530 توسەك-ورىنعا شاقتالعان كوپبەيىندى وبلىستىق اۋرۋحانا قۇرىلىسى جۇرگىزىلىپ جاتقان جەردە كاپسۋلا سالۋ راسىمىنە قاتىستى. جوبانى 2022 جىلدىڭ ورتاسىنا قاراي مەملەكەتتىك-جەكەشەلىك ارىپتەستىك اياسىندا «YDA Holding» تۇرىك ينۆەستورى جۇزەگە اسىرادى. نىسان قۇنى – 50 ملرد تەڭگە، 350-گە جۋىق جاڭا جۇمىس ورنى قۇرىلادى. 200 جەرگىلىكتى دارىگەر شەتەلدە بىلىكتىلىكتى ارتتىرۋ كۋرسىنان وتەدى.

تايىنشا قالاسىنىڭ اتتاس اۋدانىندا ا. ءماميننىڭ قاتىسۋىمەن «Bio operations» زاۋىتىنىڭ ەكىنشى جەلىسى — كراحمال مەن جەلىمتەگىن وندىرەتىن تسەح ىسكە قوسىلدى. ءوندىرۋ جانە وڭدەۋ كولەمىن 2 ەسەگە ارتتىرىپ، جىلىنا 300 مىڭ تونناعا دەيىن جەتكىزۋ جوسپارلانعان. كاسىپورىن تارتقان ينۆەستيتسيالاردىڭ جالپى سوماسى 11 ملرد تەڭگەدەن اسادى. بيىل جەلتوقسان ايىندا بيوەتانول شىعارۋ تسەحىن ىسكە قوسۋ كوزدەلگەن. تولىق قۋاتتىلىعىنا شىققان سوڭ كاسىپورىن جۇمىسكەرلەرىنىڭ سانى ەكى ەسەگە، 500 ادامعا دەيىن ۇلعايادى.

قىزىلجار اۋدانى نوۆونيكولسكوە اۋىلىندا پرەمەر-مينيستر ەسىل وزەنى ارقىلى وتەتىن جاڭا اۆتوموبيل كوپىرىنىڭ اشىلۋ راسىمىنە قاتىستى، جوبا مەملەكەتتىك-جەكەشەلىك ارىپتەستىك اياسىندا سالىنعان. بۇرىن سۋ تاسقىنى كەزىندە ەسكى كوپىر سۋ استىندا قالاتىندىقتان، اۋىل تۇرعىندارىنىڭ سىرتپەن بايلانىسى ۇزىلەتىن. جاڭا كوپىر 10 ەلدى مەكەننىڭ اراسىن جالعايدى.

جىل باسىنان بەرى سولتۇستىك قازاقستان وبلىسىندا ونەركاسىپتىك ءونىم ءوندىرىسىنىڭ كولەمى 193،8 ملرد تەڭگەنى قۇرادى، بۇل وتكەن جىلعى كەزەڭنەن 1،1%-عا ارتىق، اۋىل شارۋاشىلىعىنداعى جالپى ءونىم كولەمى – 585 ملرد تەڭگە (+2،6%).

 

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار