كونكۋرسقا رەسپۋبليكانىڭ 3 وبلىسى مەن 2 قالاسىنان, اتاپ ايتقاندا اتىراۋ وبلىسىنان 6, اقتوبە وبلىسىنان 4, قىزىلوردا وبلىسىنان 1, ماڭعىستاۋ وبلىسىنان 10 ۇمىتكەر, سونىمەن قاتار نۇر-سۇلتان قالاسىنان 2, الماتى قالاسىنان 4 ۇمىتكەر قاتىسپاق.
قازاق ەلىنىڭ تاريحىنداعى بويلارىنا وزىندىك ءۇن-اۋەن, ىرعاق-ءيىرىم, ورىنداۋشىلىق سىر-سيپات, رۋحاني اعارتۋشىلىق-قايراتكەرلىك ت.ب. الۋان ونەردى سىيدىرا بىلگەن قايتالانباس دارا قۇبىلىس يەلەرى – ادايدىڭ جەتى قايقىسىنىڭ تاريحي, تۇلعالىق ءرولىن رەسپۋبليكا كولەمىندە ايقىنداپ, رۋحاني مۇرالارىن جاس ورىنداۋشىلار اراسىندا كەڭىنەن ناسيحاتتاۋ ماقساتىنداعى بايقاۋعا قازاقستان رەسپۋبليكاسىنىڭ ەڭبەك سىڭىرگەن قايراتكەرى, «دارىن» مەملەكەتتىك سىيلىعىنىڭ لاۋرەاتى, ءداستۇرلى ءانشى ا.قوسانوۆا, قازاقستان رەسپۋبليكاسىنىڭ مادەنيەت قايراتكەرى, ءانشى, تەرمەشى ءا.جۇماعاليەۆ, قازاقستان رەسپۋبليكاسىنىڭ ەڭبەك سىڭىرگەن قايراتكەرى, ءداستۇرلى ءانشى ە.رىسقالي, قر مادەنيەت سالاسىنىڭ ۇزدىگى, ءداستۇرلى ءانشى ا.ەرىمبەتوۆا, ونەر زەرتتەۋشى, جىرشى-تەرمەشى ا. وتەشوۆ, جىرشى, كۇيشى ە.ەمىل سىندى تانىمال ونەر يەلەرى قازىلىق ەتپەك.
