«15 قاراشادا ساعات 17.10 كەزىندە نۇر-سۇلتان قالاسىنىڭ «101» پۋلتىنە «نيۆا» كولىگىنىڭ ورتەنىپ جاتقانى تۋرالى حابارلاما كەلىپ ءتۇستى. وقيعا ورنىنا ءورت سوندىرۋشىلەر كەلگەندە اۆتوكولىكتىڭ قوزعالتقىش بولىگى مەن سالونى ورتەنىپ جاتقانىن انىقتاعان», دەلىنگەن حابارلامادا.
كوميتەت مالىمەتىنە سۇيەنسەك, ۋاقىتىلى قولعا الىنعان شارالاردىڭ ارقاسىندا ءورت بار-جوعى ەكى مينۋتتىڭ ىشىندە تولىعىمەن اۋىزدىقتالعان. زارداپ شەككەندەر مەن جاراقات العاندار جوق. ءورتتى سوندىرۋگە جەكە قۇرامنان 7 ادام مەن 1 ارنايى تەحنيكا جۇمىلدىرىلعان.
