ايماقتار • 15 قاراشا، 2019

Yessenov University-دە مۇرىن جىراۋدىڭ 160 جىلدىعىنا كونفەرەنتسيا ءوتتى

84 رەتكورسەتىلدى

اقتاۋداعى ش.ەسەنوۆ اتىنداعى كاسپي مەملەكەتتىك تەحنولوگيالار مەن ينجينيرينگ ۋنيۆەرسيتەتىندە (Yessenov University) ماڭعىستاۋ وبلىسى اكىمدىگىنىڭ قولداۋىمەن نوعايلى-قازاق جىر-داستاندارىن اۋىزشا جىرلاپ جەتكىزگەن ەپيك-جىرشى مۇرىن جىراۋ سەڭگىربەك ۇلىنىڭ 160 جىلدىعىنا ارنالعان كونفەرەنتسيا ءوتتى. «رۋحاني جاڭعىرۋ» اياسىندا «نوعايلى جىرلارى جانە مۇرىن جىراۋ فەنومەنى» تاقارىبىمەن وتكەن II حالىقارالىق عىلىمي-تاجىريبەلىك كونفەرەنتسيا تۋرالى اتالمىش وقۋ ورنىنىڭ ءباسپاسوز قىزمەتى حابارلادى.

مۇرىن جىراۋ - قازاق حالقىنىڭ رۋحاني اسىل قازىناسىنىڭ ءبىرى «قىرىمنىڭ قىرىق باتىرى» جىرىن سىپىرا جىراۋدان بەس عاسىر كەيىن جىرلاپ، ءبىزدىڭ زامانىمىزعا ۇلاستىرعان ۇلى جىرشى.

نوعايلىنىڭ باتىرلىق، ەرلىك جىر-داستاندارىن اۋىزشا جىرلاۋمەن كەيىنگى ۇرپاققا جەتكىزگەن، سول ارقىلى جىردىڭ ءبىر تۇركى ەمەس، ءبۇتىن ادامزاتتىڭ رۋحاني اسىل مۇراسىنا اينالۋىنا جول اشقان ۇلىق جىرشىنىڭ ەڭبەكتەرىن عىلىمي دالەلدەرىن تىڭداۋعا عالىمدار، پەداگوگتار، جوعارى وقۋ ورىندارىنىڭ وقىتۋشىلارى، ستۋدەنتتەر، جەرگىلىكتى مەملەكەتتىك قۇرىلىمداردىڭ وكىلدەرى جانە مۇرىن جىراۋدىڭ ۇرپاقتارى قاتىستى.

ايتا كەتەلىك، اتالعان كونفەرەنتسيا وسىمەن ەكىنشى رەت ۇيىمداستىرىلىپ وتىر. كونفەرەنتسيا شىمىلدىعىن ماڭعىستاۋ وبلىسىنىڭ اكىمى سەرىكباي ترۇموۆ قۇتتىقتاۋ سوزبەن اشىپ بەردى.

- «20-شى عاسىردىڭ گومەرى!» مۇنداي جوعارى باعاعا مۇرىن سەڭگىربەك ۇلى كوزىنىڭ تىرىسىندە يە بولعان. ماڭعىستاۋ ءوڭىرى مۇرىن جىراۋدىڭ 130، 140 جىلدىعىن اتاپ ءوتتى. 130 جىلدىعى قارساڭىندا فورت-شەۆچەنكو قالاسىندا مۇرىن جىراۋدىڭ زەرگەرلىك شەبەرحاناسى قالپىنا كەلتىرىلىپ، «مۇرىن جىراۋ اتىنداعى مۋزەي» بولىپ اشىلدى. ۇلى مۇرانىڭ جاي-كۇيى تالايعا تىنىشتىق تاپتىرماي كەلگەنى راس. قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا مۇرىن جىراۋدىڭ تۋعانىنا 150 جىل تولۋىنا ارنالعان «جىراۋلىق ءداستۇر جاۋھارلارى» اتتى رەسپۋبليكالىق عىلىمي-پراكتيكالىق كونفەرەنتسياسى نەگىزىندە جىراۋ تۋرالى بىرنەشە عىلىمي ەڭبەكتەر جارىق كوردى. ءبىرتۋار تۇلعانىڭ ءومىرى مەن ونەرى ءالى دە بولسا جان-جاقتى زەرتتەۋدى، ناسيحاتتاۋدى قاجەت ەتەدى، دەدى ايماق باسشىسى س.ترۇموۆ.

ۇلى جىراۋدىڭ 160 جىلدىعىنا وراي ۇيىمداستىرىلعان  حالىقارالىق عىلىمي-تاجىريبەلىك كونفەرەنتسيانىڭ ماقساتى - ادامزات تاريحىندا سيرەك كەزدەسەتىن ەرەكشە دارىن يەسى مۇرىن سەڭگىربەك ۇلىن جانە اتالمىش جىردىڭ قازاق مادەنيەتى تاريحىندا الاتىن ورنىن ودان ءارى اشا ءتۇسۋ، جىر بويىنداعى ۇلتتىق قۇندىلىقتاردى كەلەر ۇرپاققا ناسيحاتتاۋ بولىپ تابىلادى.

ايماق باسشىسى سونىمەن قاتار، فورت-شەۆچەنكو قالاسىنداعى مۇرىن جىراۋ مۋزەيى بۇگىنگى تاڭدا قايتا جاڭعىرىپ، تىڭ مازمۇنمەن تولىقتىرىلىپ، رەسپۋبليكالىق دەڭگەيگە كوتەرۋ باعىتىنداعى جۇمىستاردىڭ اتقارىلىپ جاتقاندىعىن، ۇستىمىزدەگى جىلدىڭ جەلتوقسان ايىندا مۋزەيدىڭ قۇرىلىس جۇمىستارى تولىقتاي اياقتالاتىندىعىن جەتكىزدى.

كونفەرەنتسياعا بايانداماشىلار رەتىندە قازاق عالىمدارى فيلولوگيا عىلىمدارىنىڭ دوكتورى، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى ج.تلەپوۆ، فيلولوگيا عىلىمدارىنىڭ كانديداتى، م.و. اۋەزوۆ اتىنداعى ادەبيەت جانە ونەر ينستيتۋتىنىڭ جەتەكشى عىلىمي قىزمەتكەرى س.سەيىلبەك، فيلولوگيا عىلىمدارىنىڭ كانديداتى، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى «قازاق ادەبيەتى» كافەدراسىنىڭ دوتسەنتى ب.قورعانبەك ، «قازاقستاننىڭ ۇزدىك ولكەتانۋشىسى» توسبەلگىسىنىڭ يەگەرى، مەملەكەتتىك قىزمەت ارداگەرى ا.ەدىلحان،، فيلولوگيا عىلىمدارىنىڭ دوكتورى، ش.ەسەنوۆ اتىنداعى كمتجيۋ پروفەسسورى ب.نۇرداۋلەتوۆا  قاتىستى. سونىمەن قاتار، كورشى ەلدەردەن ارنايى شاقىرىلعان ن. سۋيۋنوۆا - فيلولوگيا عىلىمدارىنىڭ دوكتورى، پروفەسسور، قاراشاي-چەركەس گۋمانيتارلىق زەرتتەۋلەر ينستيتۋتى نوعاي ءبولىمىنىڭ مەڭگەرۋشىسى، ل.مۇحامەتزيانوۆا - فيلولوگيا عىلىمدارىنىڭ دوكتورى، «حالىقتىق ونەر» ءبولىمىنىڭ باس عىلىمي قىزمەتكەرى، تاتارستان رەسپۋبليكاسىنىڭ عىلىم اكادەمياسى گ.يبراگيموۆ اتىنداعى ءتىل، ادەبيەت جانە ونەر ينستيتۋتىنىڭ دوتسەنتى، ر.بايازيتوۆا - تاريح عىلىمدارىنىڭ كانديداتى، م.اكمۋللا اتىنداعى باشقۇرت مەملەكەتتىك پەداگوگيكالىق ۋنيۆەرسيتەتى «باشقۇرت ادەبيەتى جانە مادەنيەتى» كافەدراسىنىڭ دوتسەنتى قاتىسىپ، بايانداما جاسادى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار