ايماقتار • 14 قاراشا، 2019

الماتىدا پاتەر باللدىق جۇيەمەن بەرىلەدى

163 رەتكورسەتىلدى

الماتى اكىمدىگىنىڭ ءباسپاسوز ورتالىعىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تاپسىرماسى بويىنشا ساتىپ الۋ قۇقىعىنسىز جۇمىس جاسايتىن جاستارعا جالعا بەرىلەتىن تۇرعىن ۇيلەر تۋرالى بريفينگ ءوتتى، دەپ حابارلادى قالا اكىمدىگىنىڭ سايتى.

قازاقستان رەسپۋبليكاسى ۇكىمەتىنىڭ 2018 جىلعى 22 ماۋسىمداعى №372 قاۋلىسىمەن بەكىتىلگەن «نۇرلى جەر» تۇرعىن ءۇي قۇرىلىسى مەملەكەتتىك باعدارلاماسىنىڭ 3 تارماعى مەن 5.1 تارماعىندا جۇمىس جاسايتىن جاستارعا ساتىپ الۋ قۇقىعىنسىز جالعا پاتەر الۋ ءۇشىن قويىلاتىن تالاپتار كورسەتىلگەن.

الماتى قالاسى تۇرعىن ءۇي ساياساتى باسقارماسى باسشىسىنىڭ ورىنباسارى ايبەك سايدەلداەۆ جالعا پاتەر بەرۋدىڭ ءبىرىنشى پۋلىندا الاتاۋ اۋدانىنىڭ «كوكقاينار» ىقشاماۋدانىندا ورنالاسقان 249 پاتەرگە ءوتىنىش قابىلداۋ 30 قازان مەن 12 قاراشادا جۇرگىزىلگەنىن اتاپ ءوتتى.

جۇمىس ىستەيتىن جاستاردان ءوتىنىش پەن قۇجاتتاردى قابىلداۋ ءۇشىن ارنايى www.almaty-jastary.kz سايتى اشىلدى. بۇگىنگى كۇنگە دەيىن اتالعان سايتقا 1244 ءوتىنىش تۇسكەن.

ايبەك سايدەلداەۆ قازىرگى كەزدە جالعا ءۇي بەرۋدىڭ بەكىتىلگەن ەرەجەسى بويىنشا قۇجاتتاردىڭ تولىقتىعى مەن سايكەستىگىنە، باللداردى ەسەپتەۋگە جانە جالعا پاتەر الاتىن ۇمىتكەرلەردىڭ ءتىزىمىن جاساۋعا قاتىستى جۇمىستاردىڭ ءجۇرىپ جاتقانىن ايتتى.

بالل ەسەپتەۋ باللدىق جۇيە بويىنشا اتقارىلادى:

ء1)وتىنىش بەرۋشى ماماندىق نارىعىنىڭ ءتىزىمى بويىنشا وتە قاجەت 100 ء(جۇز) ماماندىقتىڭ ۇكىمەت 2018 جىلى 13 قاراشادا №746 قاۋلىسىمەن بەكىتكەن «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنا سايكەس، قۇزىرلى ورگان بەكىتكەن ماماندىقتىڭ ءبىرىن يگەرسە - 10 بالل;

2) وتباسى بولسا – 5 بالل، نەكەدە تۇرعان ءار جىلى ءۇشىن – 2 بالل;

3) 1 ء(بىر) بالاسى بولسا – 1 بالل، ودان كەيىنگى ءار بالا ءۇشىن – 2 بالل;           

4) كەم دەگەندە 1 جىل ىشىندە كاسىپكەرلىكپەن اينالىسسا – 5 بالل، ءار جىل ءۇشىن – 1 بالل;

5) ءوتىنىش بەرۋشىنىڭ ءار سالاداعى جەكە جەتىستىگى ءۇشىن – 2 بالل;

6) بيۋدجەتتىك ۇيىمداردا اتقارعان قىزمەتى (مەملەكەتتىك مەكەمەلەر مەن مەملەكەتتىك كاسىپورىندار) ءۇشىن – 5 بالل، ءوتىلىنىڭ ءار جىلى ءۇشىن – 1 بالل;

7) ەكىنشى دەڭگەيلى بانكتەردە جيناقتاۋشى ەسەبى (دەپوزيتتەر) بولسا – 2 بالل.

باللدار تەڭ بولعان جاعدايدا كورسەتىلگەن مەرزىم بويىنشا ءوتىنىشتى ەرتە بەرگەن ۇمىتكەرگە باسىمدىق بەرىلەدى.

جيناقتالعان باللدار ەسەپتەلگەن سوڭ سايتتا باعدارلاماعا قاتىسۋشىلاردىڭ جالپى ءتىزىمى جاريالانادى، ودان سوڭ جالعا پاتەر الۋعا ءوتىنىش بەرگەن ءارى جوعارى بالل جيناعان ۇمىتكەرلەرمەن تۇرعىن ءۇيدى جالعا بەرۋ تۋرالى كەلىسىم – شارت جاسالادى.

بريفينگ بارىسىندا ايبەك سايدەلداەۆ اعىمداعى جىلدىڭ سوڭىنا دەيىن تاعى 1000 پاتەر بولىنەتىندىگىن، اتالعان باعدارلاما بويىنشا ءوتىنىش قابىلداۋ ودان ءارى جالعاساتىنىن اتاپ ءوتتى.

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار