ايماقتار • 14 قاراشا، 2019

ماڭعىستاۋدا قانت ديابەتىنە شالدىققاندار سانى ارتقان

72 رەتكورسەتىلدى

بيىل قاڭتار-قازان ايلارىندا قانت ديابەتىمەن وبلىس بويىنشا ديسپانسەرلىك ەسەپتە 9668 ناۋقاس تۇرعان. بۇل تۋرالى مەديتسينالىق ساقتاندىرۋ قورى ماڭعىستاۋ فيليالى حابارلادى.

رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ وبلىستىق فيليالى كورسەتكەن دەرەك بويىنشا، بيىل ماڭعىستاۋدا 10 ايدا 9668 ناۋقاس ەسەپكە تۇرعان. بۇل 2018 جىلعى كورسەتكىشپەن سالىستىرعاندا جوعارى. بىلتىر العاشقى 10 ايدا ەسەپتە تۇرعان ناۋقاستاردىڭ سانى – 7116 بولعان ەدى، دەدى «الەۋمەتتىك مەديتسينالىق ساقتاندىرۋ قورى» ماڭعىستاۋ فيليالىنىڭ ءبولىم باسشىسى ايگۇل دادەن.

وقىرماندارعا قانت ديابەتى اۋرۋى جاس تالعامايتىنىن ەسكە سالعىمىز كەلەدى. دەگەنمەن، قارت ادامداردا كوبىرەك كەزدەسەدى. سەبەبى، اعزانى قورەكتەندىرەتىن قان تامىرلارىنىڭ، اسىرەسە، ۇيقى بەزىنە كەلەتىن تامىر­لاردىڭ قان جۇرگىزۋ قابىلەتىنىڭ ازايۋىنان تۋىندايدى. كوزدىڭ كورۋ قابىلەتى جوعالۋىنىڭ باسىم پايىزى قانت ديابەتى سالدارىنان بولادى. قانداعى قانت دەڭگەيىن رەتتەمەسە ناۋقاس كەتواتسيدوز، ديابەتيك تابانى، جۇرەك، اياق اۋرۋىنا ۇشىراپ،اياق-قولىنان، جانارىنان ايىرىلادى.

2018 جىلدان باستاپ قازاقستاندىق مەكتەپتەردە گازدالعان ءتاتتى سۋسىندار مەن شوكولاد ساتۋعا تىيىم سالىندى. دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، ەنگىزىلگەن جاڭا ستاندارتتار بالالاردىڭ زياندى تاعامداردى پايدالانۋىن شەكتەمەك. مينيستر جۇرتشىلىقتى ورىن العان كەمشىلىكتەر جايىندا قوعامدىق دەنساۋلىق ساقتاۋ كوميتەتىنە حابارلاۋعا شاقىردى.

قازاقستاندا قانت ديابەتى تەگىن ەمدەلەدى. كەپىلدەندىرىلگەن تەگىن مەديتسينالىق كومەك پاكەتى شەڭبەرىندە ديابەتكە شالدىققان پاتسيەنتتەرگە 48 ءتۇرلى ءدارى مەن مەديتسينا بۇيىمدارى بەرىلەدى. ونىڭ ىشىندە شپريتس، تەست-جولاقشا، گليۋكومەتر، ينسۋلين پومپالارى مەن 22 ءتۇرلى ينسۋلين دە بار.

ايتا كەتەيىك، جىل سايىن 14 قاراشا الەمدە دۇنيەجۇزىلىك قانت ديابەتىمەن كۇرەس كۇنى اتالىپ وتەدى.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار