قازاقستان • 14 قاراشا، 2019

جەر ماسەلەسى جايلى وتىرىس ءوتتى

63 رەتكورسەتىلدى

ماڭعىستاۋ وبلىسىنىڭ كاسىپكەرلەر پالاتاسىندا كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسىنىڭ كەزەكتى وتىرىسى ءوتتى. بۇل تۋرالى ماڭعىستاۋ وبلىسى «اتامەكەن» كاسىپكەرلەر پالاتاسىنىڭ ءباسپاسوز قىزمەتى حابارلادى.

تاقىرىپ «جەرگىلىكتى اتقارۋشى ورگاندارمەن كاسىپكەرلىك ماقساتتاعى جەر ۋچاسكەلەرىن تابىستاۋ كەزىندە ورىن العان زاڭبۇزۋشىلىقتار جانە ولاردىڭ الدىن-الۋ ماسەلەلەرى» جايلى بولدى.

ماڭعىستاۋ وبلىسىنىڭ جەردىڭ پايدالانىلۋى مەن قورعالۋىن باقىلاۋ باسقارماسى كاسىپكەرلىك ماقساتتاعى جەر ۋچاسكەلەرىن مەملەكەت مەنشىگىنە قايتارىپ الۋ تۋرالى 254 تالاپ ارىزدى سوتقا جولداعان.

ناقتىلاپ ايتار بولساق، اۋىلشارۋشىلىق ماقساتىنداعى جەرلەردى كونكۋرس ارقىلى تابىستاۋ كەزىندە، جەرگىلىكتى اتقارۋشى ورگاندار كونكۋرستىڭ بولاتىنى تۋرالى اقپاراتتى گازەت باسىلىمىندا جاريالاپ، اكىمشىلىكتىڭ ينتەرنەت-رەسۋرسىندا جاريالامادى دەگەن نەگىزبەن ماڭعىستاۋ اۋدانى بويىنشا 38، مۇنايلى اۋدانى بويىنشا 12 جەر ۋچاسكەسىن مەملەكەت مەنشىگىنە قايتارۋ تۋرالى تالاپ قويدى.

الايدا سوتتىڭ شەشىمدەرىمەن بارلىق جەر تەلىمدەرى كاسىپكەرلەردىڭ يەلىگىندە قالدى.

-كاسىپكەرلەر پالاتاسىنا جەر ماسەلەسى بويىنشا حابارلاساتىندا كوپ. ارىزدانۋشىلاردىڭ 30% جەر تۋرالى بولىپ كەلەدى. اقپاراتتى دۇرىس جاريالاماۋدى بولاشاقتا بولدىرماۋ جولدارىن تابۋىمىز كەرەك. سونداي-اق كاسىپكەرلەردىڭ جەر تەلىمدەرىن باس جوسپارعا قوستىرۋ ماسەلەسىن دە شەشۋىمىز قاجەت، دەپ تۇيىندەدى قاتىسۋشىلاردىڭ قىزۋ تالقىسىنا تۇسكەن ماسەلەنى وكپ ديرەكتورى نۇربەك قاراساەۆ.

كەڭەسكە قاتىسۋشىلار وبلىس باسشىسىنىڭ قاتىسۋىمەن وتەتىن باسقوسۋدا ينتەرنەت رەسۋرستاردا حابارلاندىرۋدى ورنالاستىرۋ ساتىلارىن جاريا كورسەتۋ جانە گەوكارتانى پايدالانۋ ءتارتىبىن تالقىلايتىن بولىپ كەلىستى.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار