ايماقتار • 14 قاراشا، 2019

ماڭعىستاۋدا پوليتسەيلەر اسسامبلەيا وكىلدەرىمەن كەزدەستى

72 رەتكورسەتىلدى

اقتاۋ قالاسى پوليتسيا باسقارماسىندا ەتنومادەني بىرلەستىكتەرىنىڭ وكىلدەرىنىڭ قاتىسۋىمەن كونفەرەنتسيا ۇيىمداستىرىلدى. بۇل تۋرالى ماڭعىستاۋ وبلىستىق پوليتسيا دەپارتامەنتى حابارلادى.

حالىقتار دوستىعى، بەيبىتشىلىك پەن كەلىسىمدى نىعاي­تۋدا اتقارىلىپ جاتقان ءىس-شارالارعا ءۇن قوسۋ ماقساتىنداعى جيىنعا ماڭعىستاۋ وبلىسى قسب قىزمەتكەرلەرى، اقتاۋ قالاسى پب قۇرىلىمدىق بولىنىستەرىندە قىزمەت ەتىپ جۇرگەن وزگە ۇلت وكىلدەرى قاتىستى.

-ەلباسى جۇرگىزىپ وتىرعان ساياساتتىڭ ءبىر ءتىنى ۇلتارالىق تاتۋلىق ەكەنى ءمالىم.ەتنومادەني بىرلەستىكتەرىنىڭ وكىلدەرى قازاقستاندا تاتۋلىق پەن بەيبىتشىلىك ءتىنى ورنىعىپ، وسىندا مەكەن ەتەتىن بارلىق ەتنوستاردىڭ كوپ عاسىرلىق سالت-داس­تۇرلەرى مەن مادەنيەتىنىڭ ساق­تالۋى مەن جاندانۋىنا ولشەۋسىز ۇلەس قوسقانى ءۇشىن ەڭ الدىمەن ەلباسىمىزعا شەكسىز العىس بىلدىرەمىز. ماڭعىستاۋ وبلىسىنىڭ ىشكى ىستەر ورگاندارىندا قىزمەت ەتەتىن وزگە ۇلت وكىلدەرى وتە كوپ. قىزمەتكەرلەرگە بارلىق جاعداي جاسالعان. ءتىپتى مەنملەكەتتىك ءتىلدى ۇيرەنۋ «قازاق ءتىلى» كۋرستارى دا اشىلعان. قىزمەت بارىسىندا بارلىعى ءبىر ءۇيدىڭ بالاسىنداي تاتۋ-ءتاتتى، قارىم-قاتىناستارى ورتاق، اۋىزبىرشىلىگى جاراسقان. قىزمەتكەرلەرىمىزدىڭ اراسىندا ماقتان تۇتاتىن وزگە ۇلت وكىلدەرى دە بار. ولار وسى قىزمەتتىڭ نامىسىن قورعاپ، تالاي جارىستاردىڭ جۇلدەلى ورىندارىن قانجىعالارىنا بايلاعان. ءبىز بۇل قىزمەتكەرلەردى ماقتان تۇتامىز، دەدى بايانداماسىندا اقتاۋ قالالىق پب كسب باستىعى پوليتسيا پودپولكوۆنيگى يلياس كيرباسوۆ.

كونفەرەنتسيا بارىسىندا قاتىسۋشىلار پىكىر الماسىپ، بىرقاتار ۇسىنىستاردى تالقىلادى.

ءبىر وتباسىنداي تاتۋ-ءتاتتى ءومىر ءسۇرىپ جاتقان قازاقستاندىقتارعا وزگە ەل قىزىعىپ قارايدى. «بىرلىك بار جەردە تىرلىك بار» دەگەن قاعيداعا سۇيەنگەن ەلىمىزدە ءار ۇلتتىڭ ءوز تاريحى مەن مادەنيەتىن ناسيحاتتاۋعا مۇمكىندىك بەرىلىپ، جاعداي جاسالعان. وسىعان دالەل – دوستىق ءۇيى. حالىقتار اراسىنداعى دوستىقتى ناسيحاتتاپ، ۇلتتار اراسىنداعى قارىم-قاتىناستى نىعايتۋعا كوڭىل ءبولىپ، سارابدال ساياسات ۇستانىپ وتىرعان مەملەكەتىمىزدىڭ جەتىستىگى. وزدەرىڭىز بىلەتىندەي، وبلىستىق دوستىق ءۇيىنىڭ نەگىزگى قىزمەتى قازاقستان حالقى اسسامبلەياسى ستراتەگياسىن جۇزەگە اسىرۋعا، ءتۇرلى مەملەكەتتىك باعدار­لامالاردى ورىنداۋعا باعىتتالعان. ولاردىڭ ەڭ نەگىزگىلەرى – مادەني-رۋحاني كەڭىستىكتى قازاقستاندىق پاتريوتيزم رۋحى، قازاق ۇلتىنىڭ مادەنيەتى مەن مەملەكەتتىك ءتىلى نەگىزىندە بايىتۋ، وبلىستاعى ءتۇرلى ەتنوستاردىڭ سالت-داستۇرلەرىن، مادەنيەتىن، ءتىلىن ساقتاپ، دامىتۋعا بىرلەسە كۇش سالۋ. ءبىز وسىنداي بىرلىگى جاراسقان قازاق ەلىندە تۇراتىنىمىزدى ارقاشان ماقتان ەتىپ ءجۇرۋىمىز ءتيىس. بۇگىنگى قوعام پوليتسيا قىزمەتىنىڭ ەڭبەگىن باعالاپ جاتىر. ءبىز دە جۇمىسىمىزدى بارىنشا جاندان­دىرىپ، باستى بايلىعىمىز – حالىقتار دوستىعى، بەيبىتشىلىك پەن كەلىسىمدى نىعايتۋعا سۇبەلى ۇلەس قوسا بەرەتىن بولامىز، دەدى ەتنومادەني بىرلەستىگىنىڭ جەتەكشىسى يۋسۋپ شاحشاەۆ.

سونداي-اق «شالوم» ەۆرەي ەتنومادەني بىرلەستىگىنىڭ توراعاسى كەرجباۋم يۋري، «ەحپايرۋتيۋن» ارميان ەتنومادەني بىرلەستىگىنىڭ توراعاسى كۋردوگليان ايراپەت كونفەرەنتسياعا قاتىسقان جاستارعا قازاقستان ەلىنىڭ ۇلتارالىق دوستاستىعى، تاريحىنىڭ وزگە ەلدەرمەن بايلانىسىنا توقتالىپ ءوتتى.

-سىزدەر قوعامنىڭ قاۋىپسىزدىگىن قامتاماسىز ەتىپ، وزگە ۇلت وكىلدەرىنەن قۇرالعان قىزمەتكەرلەردى تاربيەلەپ، حالىق ءۇشىن ايانباي قىزمەت ەتىپ كەلەسىزدەر. ەلىمىزدىڭ تۇراقتى دامۋىنا، بەيبىتشىلىك پەن كەلىسىمدى قامتاماسىز ەتۋگە ۇلكەن ۇلەس قوسۋداسىزدار. مەن سىزدەرگە يگىلىك، ءبىزدىڭ حالقىمىزدىڭ بىرلىگىن نىعايتۋداعى ىستە تابىستار، باقىت، بەيبىتشىلىك جانە ءار جانۇياعا بەرەكە تىلەيمىن، دەدى مادەنوۆا رايسا «چوسون» كارىس ەننومادەني بىرلەستىگىنىڭ ءتورايىمى.

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار