«ەرتە بوسانۋ دەڭگەيى بوسانۋدىڭ جالپى سانىنىڭ ءۇش پايىزىن قۇرادى. كەشىگىپ بوسانۋ از بولدى. سەرىكتەستىك بوسانۋ كورسەتكىشى وتكەن جىلدار دەڭگەيىندە, شامامەن 88 پايىز. وتكەن جىلداعىداي, ايەلدەردىڭ 20 پايىزى وتا ارقىلى بوساندى. تاۋەلسىز ساراپتاما جۇرگىزىلدى, ول جاڭا تۋعان نارەستەلەردىڭ ءولىم-ءجىتىمىنىڭ باسىم ەمەستىگىن راستادى. بىزدە انا ءولىمى بولعان جوق, دەدى اقپو ديرەكتورى.2020 جىلى رەسپۋبليكالىق بيۋدجەت قارجىسىنا ورتالىققا قاجەتتى قوسىمشا مەديتسينالىق جابدىقتار ساتىپ الۋ جوسپارلانۋدا. اقپو- دا كادرلىق تاپشىلىق جوق.
قازىر ورتالىق 2020 جىلدىڭ ەكىنشى توقسانىندا وتەتىن اككرەديتتەۋگە دايىندالۋدا. كاسىپورىننىڭ اككرەديتاتسيالاۋدان ءساتتى ءوتۋى وعان مەملەكەتتىك تاپسىرىس الۋعا, رەيتينگكە - ساپالى مەديتسينالىق كومەك كورسەتۋگە قۇقىق بەرەدى. بۇدان باسقا, اككرەديتتەۋ ورتالىققا 2020 جىلدان باستاپ ەنگىزىلەتىن مىندەتتى الەۋمەتتىك مەديتسينالىق ساقتاندىرۋ جاعدايىندا جۇمىس ىستەۋگە قۇقىق بەرەدى. ەستەرىڭىزگە سالا كەتەيىك, 2015 جىلى اقپو I ساناتتى الىپ (وبلىستاعى جالعىز) پروتسەدۋرادان ءوتتى», دەلىنگەن حابارلامادا.
