- تەك ءبىرىنشى جارتى جىلدىقتا وبلىستىڭ سىبايلاس جەمقورلىققا قارسى قىزمەتى ءارتۇرلى قۇرىلىمدار وكىلدەرىنىڭ قاتىسۋىمەن 123 قىلمىس تىركەلدى, ولاردىڭ 62-ءى تەرگەۋمەن اياقتالدى, سوتقا 47 ءىس جىبەرىلدى,13 ادام سوتتالدى. ەڭ كوپ قىلمىس جەر قاتىناستارى سالاسىندا 58, دەنساۋلىق ساقتاۋ سالاسىندا 12, قۇرىلىس سالاسىندا 5 ءىس تىركەلگەن, دەدى جاننا شىرتانوۆا.
شارالار بارىسىندا سىبايلاس جەمقورلىققا قارسى زاڭناما تالاپتارى, جالپى جاۋاپكەرشىلىك, مەديتسينا سالاسىندا انىقتالعان قىلمىستار تۋرالى باياندالدى.
قر پرەزيدەنتىنىڭ 2019 جىلعى 13 ماۋسىمداعى №12 جارلىعى نەگىزىندەگى وزگەرىستەر, اگەنتتىكتەگى جاڭا قۇرىلىمدار, پاراساتتىلىق دەپارتامەنتىنىڭ ميسسياسى تۋرالى تۇسىنىك بەرىلدى.
سەمينار بارىسىندا جينالعاندار ويلارىن ورتاعا سالىپ, دارىگەرلەر تاراپىنان اشىقتىق پەن تازالىق بولعان جەردە عانا جەمقورلىق قاتەرلەرى بولمايتىنى جونىندە اڭگىمەلەدى.
ج.شىرتانوۆانىڭ ايتۋىنشا, مەديتسينا قىزمەتكەرلەرى تاراپىنان قۇقىققا قارسى ارەكەتتەر انىقتالعان جاعدايدا, ازاماتتار سىبايلاس جەمقورلىققا قارسى قىزمەتكە تاۋلىك بويى جۇمىس ىستەيتىن سەنىم تەلەفونى ارقىلى حابارلاسا الادى. قازاقستان بويىنشا قوڭىراۋ شالۋ تەگىن, انونيمدىك ساقتالادى.
ماڭعىستاۋ وبلىسى
