قاتارىنان بەس كەزدەسۋدە ۇتىلىپ, قازاقستاندىق كورەرمەندەردىڭ كوڭىلىن قۇلازىتقان جەرلەستەرىمىز بۇل جولى كوزدەگەن ماقساتىنا قول جەتكىزدى. بىراق بۇل جەڭىس بىزگە وڭايلىقپەن كەلگەن جوق. ءبىرىنشى كەزەڭدە ايدىن يەلەرى ەسەپ اشتى. تارازى باسىن تەڭەستىرۋ ءۇشىن باقانداي 27 مينۋت قاجەت بولدى. رومان ستارچەنكو مەن داررەن ديتستىڭ تاراپىنان ۇيىمداستىرىلعان شابۋىلدى ەريك تانگرەيدي ناتيجەلى اياقتادى. ودان كەيىن تەڭ ەسەپ ساقتالىپ, ويىن وۆەرتايمعا ۇلاستى. بۇل رەتتە «بارىستىڭ» باعى جاندى. جەڭىس شايباسىن انتون ساگادەەۆ سوقتى. ەسەپ – 1:2.
وسى كۇنگە دەيىن 23 كەزدەسۋ وتكىزگەن «بارىس» قازىرگى كەزدە 32 ۇپايدى ەنشىلەپ وتىر. شىعىس كونفەرەنتسياسىندا نۇر-سۇلتاننىڭ حوككەيشىلەرى التىنشى ورىندا تۇرسا, تۇراقتى بىرىنشىلىكتىڭ جارىس كەستەسىندە سەگىزىنشى ساتىعا جايعاستى.
