ورتا سالماقتا ونەر كورسەتىپ جۇرگەن جانىبەك بۇگىنگى تاڭدا 15-ورىندى يەلەنۋدە. مامانداردىڭ پايىمداۋىنشا, ەگەر قازاق بوكسشىسى ءدال وسى شابىسىنان جاڭىلماسا, ول الداعى ۋاقىتتا ءوزىنىڭ وسى كورسەتكىشىن ەداۋىر جاقسارتىپ, كەلەشەكتە بەلدى نۇسقالاردىڭ ءبىرىنىڭ چەمپيوندىق اتاعىن يەلەنۋى ابدەن مۇمكىن. ال BoxRec تىزىمىندە ءالىمحان ۇلى بىردەن 11 ساتىعا جوعارلاپ, قازىرگى كەزدە 55 ورىنعا تۇراقتادى.
سونداي-اق باسقا دا قازاقستاندىق بىلعارى قولعاپ شەبەرلەرى WBC-ءتىڭ جاڭارتىلعان رەيتينگىندەگى جاعدايلارىن ءبىرشاما جاقسارتتى. اتاپ ايتساق, بۇل كۇندەرى ءوز سالماق دارەجەلەرى بويىنشا باتىر جۇكەنباەۆ – 12 (بۇعان دەيىن 13 ورىن), ءالي احمەدوۆ – 14 (بۇعان دەيىن 15 ورىن), ۆيكتور كوتوچيگوۆ – 22 (بۇعان دەيىن 25 ورىن), قانات يسلام – 23 (بۇعان دەيىن 24 ورىندا), مەيىرىم نۇرسۇلتانوۆ – 25 (بۇعان دەيىن 29 ورىن), سادريددين احمەدوۆ – 27 (بۇعان دەيىن 33 ورىن), نۇرسۇلتان جاناباەۆ – 30 (بۇعان دەيىن 33 ورىن), ايدوس ەربوسىن ۇلى – 33 (بۇعان دەيىن 34 ورىن) جانە ماديار اشكەەۆ – 39 (بۇعان دەيىن 41 ورىن) ساتىلارعا جايعاستى.
الماتى
