كەزدەسۋدىڭ نەگىزگى ماقساتى - ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىن تالقىلاۋ جانە ءتۇسىندىرۋ, نەگىزگى 5 باعىتى جونىندە پرەزەنتاتسيا كورسەتۋ.
ماڭعىستاۋعا ءىسساپارى بارىسىندا ت.دجۋمۋرباەۆ ەڭ الدىمەن اقشۇقىر ەلدى مەكەنىندەگى «قازاقوسەتر» جشس-ءنىڭ بەكىرە شيكىزات فيرماسىنا باردى. بەكىرە بالىعىمەن اينالىساتىن بۇل شيكىزات فيرماسى ەلباسى ن.ءا. نازارباەۆتىڭ «بيزنەس كارتاسى – 2020» باعدارلاماسىنىڭ اياسىندا قۇرىلعان بولاتىن.
-كيەلى مەكەن ماڭعىستاۋعا كەلگەنىمە وتە قۋانىشتىمىن. ماڭعىستاۋعا ءىسساپارىم بارىسىندا ەڭ الدىمەن وسى بەكىرە وسىرۋمەن اينالىساتىن كاسىپورىنعا كەلىپ, تانىسىپ جاتىرمىن. وتە كەرەمەت. قازىرگى ۋاقىتتا بۇل زاۋىتتا 38 باسسەين, ونىڭ ارقايسىسىندا ءارتۇرلى, اتاپ ايتاتىن بولساق, ورىس بەكىرەسى, ءسىبىر بەكىرەسى جانە ت.ب. بەكىرە تۇقىمداس سۇرىپتار وسىرىلۋدە ەكەن. 2019 جىلى جاستار جىلى دەپ بەلگىلەنگەنى بارىمىزگە بەلگىلى جانە ەلباسىنىڭ «بيزنەس كارتاسى – 2020» باعدارلاماسى اياسىندا قۇرىلعان بۇل جوبا كاسىپكەرلىكپەن اينالىسۋعا نيەت ءبىلدىرۋشى جاستارعا جاڭا سەرپىن بەرەدى. ءسوزىمنىڭ سوڭىندا, شيكىزات فيرماسىنىڭ قىزمەتىنە ساتتىلىك, تابىس تىلەي وتىرىپ, الداعى ۋاقىتتا بۇدان دا بيىك بەلەستەردەن كورىنۋىنە شىن جۇرەكتەن تىلەكتەسپىن, دەدى تيمۋر دجۋمۋرباەۆ.
سونىمەن قاتار تيمۋر دجۋمۋرباەۆ دوستىق ۇيىندە ماڭعىستاۋ جاستارىمەن كەزدەستى. ونىڭ ىشىندە رجق «جاڭعىرۋ جولى» وڭىرلىك شتابىنىڭ بەلسەندى مۇشەلەرى دە بار. كەزدەسۋگە ۇلتتىق دەلفي وينىدارى كوميتەتىنىڭ اتقارۋشى ديرەكتورى تۋسپەكوۆا قۇرالاي ايتقابىلوۆنا, «جاڭعىرۋ جولى» وڭىرلىك شتابىنىڭ بەلسەندى مۇشەلەرى مولوتوۆا شاحنوزا, زيگانشينا ريگينا جانە مەملەكەتتىڭ جاستارعا بەرگەن مۇمكىندىگىن ءتيىمدى پايدالانىپ جۇرگەن جاس جەكە كاسىپكەر جاريەۆ قوبىلان مارات ۇلى, قازاقستان جۋرناليستەر وداعىنىڭ مۇشەسى كەنجەبەك سەرجان ۇلى قاتىستى.
كەزدەسۋ بارىسىندا جاستارعا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى ءتۇسىندىرىلىپ تالقىلاندى.
كەزدەسۋ بارىسىندا 9 جىلدىق تاجىريبەسى بار جاس كارديوحيرۋرگ, كاسىبىن جاڭا باستاعان جاس كاسىپكەر قوبىلان جاريەۆ ەلباسىنىڭ جاستارعا بەرگەن مۇمكىندىكتەرى ارقاسىندا كاسىبىن قالاي اشقانىن, قالاي جەتىستىككە جەتكەنىن, قازىرگى تاڭدا كاسىبى العا باسىپ, وڭ ناتيجە كورىپ وتىرعاندىعىن ايتىپ, كاسىپ اشقىسى كەلەتىن جاستارعا جاڭا مۇمكىندىك, جاڭا سەرپىن, كۇش بەردى.
رەسپۋبليكالىق «جاڭعىرۋ جولى» جاستار قوزعالىسى توراعاسىنىڭ ورىنباسارى تيمۋر دجۋمۋرباەۆ «جاڭعىرۋ جولى» رجق وڭىرلىك شتابىنىڭ بەلسەندى مۇشەسى وگاي انتونيناعا قازاقستان حالقى اسسامبلەياسىنىڭ توراعاسىنىڭ ورىنباسارى, قر پرەزيدەنتى اكىمشىلىگىنىڭ قحا حاتشىلىعىنىڭ مەڭگەرۋشىسى جانسەيىت قانسەيىت ۇلى تۇيمەباەۆتىڭ العىس حاتىن تابىستادى.
كەزدەسۋ سوڭىندا وبلىستىق جاستار رەسۋرستىق ورتالىعى ديرەكتورىنىڭ ورىنباسارى مۇقاش بەكەن ۇلى: ء«اربىر قازاق جاستارى وزدەرىن ۇلتجاندىمىن دەپ ۇعىنىپ, ەلىمىزدىڭ بەيبىتشىلىك اسپانىندا قازاق جاستارى تاۋەلسىز ەلدىڭ ايقىن ماقساتتارىمەن جىگەرلەنىپ, تەك قانا العا ۇمتىلۋعا جۇمىس جاسايمىز. ەل سەنىمىن, ءۇمىتىن اقتاۋ, ەلىمىزدىڭ جارقىن بولاشاعىنا ۇلەس قوسۋ ءاربىر سانالى دا ءبىلىمدى جاستارىمىزدىڭ قولىندا», - دەدى.
كەزدەسۋگە بارلىعى 300-گە جۋىق جاستار قاتىستى.
