قازاقستان • 09 قاراشا، 2019

رەسەي جالعا العان 11،6 مىڭ گا جەر قازاقستانعا قايتارىلدى

234 رەتكورسەتىلدى

بۇل تۋرالى قورعانىس جانە اەروعارىش ونەركاسىبى مينيسترلىگىنىڭ ءباسپاسوز قىزمەتى حابارلادى.

رەسەي جالپى الاڭى 11،6 مىڭ گەكتار ءتورت جەر ۋچاسكەسىن جالعا الۋدى توقتاتادى. ءتورت جەر ۋچاسكەسى قازاقستاننىڭ پايدالانۋىنا بەرىلەدى.

«جالپى الاڭى 1 740 گەكتار ەكى ۋچاسكە قارماقشى اۋدانى تورەتام كەنتىن كەڭەيتۋ ءۇشىن، سونداي-اق 9 950 گەكتار ەكى ۋچاسكە «باتىس ەۋروپا — باتىس قىتاي» حالىقارالىق ترانزيت ءدالىزىن، «الماتى —ماسكەۋ» تەمىرجولىن سالۋ جانە «بەينەۋ—شىمكەنت» گاز قۇبىرىنىڭ جەلىلىك بولىگى ءۇشىن الىنىپ وتىر»، — دەدى زاڭ جوباسى بويىنشا بايانداما جاساعان اۋىل شارۋاشىلىعى ءمينيسترى ساپارحان وماروۆ.    

ءمينيستردىڭ ايتۋىنشا، جەر تەلىمدەرى قىزىلوردا وبلىسىنىڭ دامۋى ءۇشىن قاجەت. وسى شارالار ءوڭىردىڭ الەۋمەتتىك جاعدايىنا جانە ەكونوميكاسىنا وڭ اسەرىن تيگىزەدى. 

سونداي-اق شارتتىڭ ەكىنشى قوسىمشاسىندا «بايقوڭىر» كەشەنىنىڭ تەحنولوگيالىق جانە تەحنيكالىق نىساندارىنىڭ، تاسىمالداعىش زىمىرانداردان بولىنەتىن بولىكتەردىڭ قۇلاۋى اۋداندارىنىڭ كوورديناتتارى كورسەتىلگەن.

ساراپشىلار رەسەيدىڭ ءبىزدىڭ ەلدەن جالعا الىنعان جەرلەردى قايتارۋ تۇراقتى تۇردە  جالعاسىپ كەلە جاتقانىن ايتادى. 

رەسەي سىرتقى ىستەر ءمينيسترى  سەرگەي لاۆروۆ قازاقستانعا  وسى ساپارىندا پرەزيدەنت قاسىم-جومارت توقاەۆپەن جانە سىرتقى ىستەر ءمينيسترى مۇحتار تىلەۋبەردىمەن كەزدەسۋگە نيەتتى.

رەسەيلىك ساراپشىلار سىرتقى ىستەر مينيسترلەرى دەڭگەيىندە بايىپتى جانە شۇعىل كونسۋلتاتسيالاردى قاجەت ەتەتىن ءبىر دە ءبىر سەبەپ جوق ەكەنىن ايتىپ جاتىر. بۇل جولعى كەزدەسۋدە وزبەكستاننىڭ ەاەو-عا كىرۋ مۇمكىندىگىنىڭ پەرسپەكتيۆاسى قارالۋى ابدەن مۇمكىن.

رەسەي عىلىم اكادەمياسى شىعىستانۋ ينستيتۋتى ورتالىق ازيا مەن كاۆكازدى زەرتتەۋ ورتالىعى اناليتيكالىق توبىنىڭ جەتەكشىسى ستانيسلاۆ ءپريتچيننىڭ ايتۋىنشا، بايقوڭىردى دامىتۋ ماسەلەسىنە وسى جولى نازار اۋدارىلۋى مۇمكىن.

«قالا جابىق مارتەبەگە يە. ەندى ونى اشۋ ماسەلەسى تالقىلانۋدا. بۇل كەزدەسۋ كەزىندە كوتەرىلەدى جانە مينيسترلەردىڭ كۇن تارتىبىندە بولادى دەپ  ويلايمىن» دەدى س. پريتچين رەسەيلىك جۋرناليستەرمەن كەزدەسكەن كەزدە.

 

 

الماتى

سوڭعى جاڭالىقتار

75 كۇيمەن رەكورد جاڭارتتى

رۋحانيات • كەشە

ۇقساس جاڭالىقتار