قازاقستان • 09 قاراشا، 2019

ەۋرازيالىق دامۋ بانكى مەملەكەت باسشىسىنىڭ ۇسىنىسىنا جاۋاپ بەردى

74 رەتكورسەتىلدى

مەملەكەت باسشىسى قاسىم-جومارت توقاەۆ قازاقستان مەن رەسەيدىڭ شەكارالاس ايماقتارىنىڭ ينۆەستيتسيالىق الەۋەتى مەن ەكونوميكالارىن زەردەلەۋدى جانە دامۋ ينستيتۋتتارىن تارتا وتىرىپ، ءتيىستى جوبالاردى قارجىلاندىرۋدى ۇسىندى.  

«ەدب ءبىزدىڭ ىشكى نارىقتى دامىتۋعا بەلسەنە قاتىسا الار ەدى»، – دەدى قازاقستان پرەزيدەنتى.

ەادب مۇنداي جوبالارعا قاتىسۋعا دايىن ەكەندىكتەرىن ايتتى. ەادب باسقارما باسشىسىنىڭ ورىنباسارى امانگەلدى يسەنوۆ مەملەكەت باسشىسى قاسىم-جومارت توقاەۆتىڭ ومبىداعى فورۋمدا ايتىلعان ۇسىنىسىنا تۇسىنىكتەمە بەردى.

«قازاقستان پرەزيدەنتىنىڭ ايتقان باعىتتارى قازاقستاندا ەادب قىزمەتىن قۇرۋعا قۋاتتى سەرپىن بەرىپ، ەۋرازيالىق ەكونوميكالىق وداق اياسىنداعى ىنتىماقتاستىقتىڭ ناقتى پەرسپەكتيۆاسىن قالىپتاستىرادى»، – دەدى يسەنوۆ جۋرناليستەرمەن كەزدەسكەن كەزدە.
2019 جىلى بانك قازاقستاندا سارىارقا گاز قۇبىرىن سالۋ جوبالارىن، «سامۇرىق-قازىنا» توبىن جانە رەسەيلىك «حەۆەل» كومپانياسىنىڭ جاڭارتىلاتىن ەنەرگيا كوزدەرى سالاسىنداعى جوبالارىن قارجىلاندىردى جانە «Altinalmas»  كومپانياسىمەن ىنتىماقتاستىقتى جالعاستىردى.

«بۇگىنگى تاڭدا قازاقستاننىڭ بانك قورجىنىنداعى ۇلەسى 40% -دان اسادى. جوبالىق تسيكل اياسىندا «قازمۇنايگاز» توبى جۇزەگە اسىرىپ جاتقان جوبالار قاراستىرىلۋدا – استراحان-ماڭعىشلاق سۋ قۇبىرىن قايتا قۇرۋ جوباسى، KEGOK جانە ينفراقۇرىلىمدا ىسكە اسىرىلاتىن بىرقاتار مەملەكەتتىك-جەكە سەرىكتەستىك جوباسى »، – دەدى ا.يسەنوۆ.

ومبىداعى فورۋمدا ەكى ەلدىڭ 20 ايماعىنا اسەر ەتەتىن قازاقستان مەن رەسەيدىڭ شەكارالاس ىنتىماقتاستىق باعدارلاماسىنىڭ تۇجىرىمداماسى قابىلدانعانىن اتاپ وتكەن ءجون.

 

الماتى

سوڭعى جاڭالىقتار

اۋىلداعى جۇرت ءالى سەنبەيدى

قوعام • بۇگىن، 13:23

ەرىكتىلەرگە ەل العىس ايتتى

ايماقتار • بۇگىن، 11:16

ۇقساس جاڭالىقتار