ايماقتار • 09 قاراشا، 2019

اقتاۋدا بىرنەشە قۇرىلىس كومپانياسى جاۋاپقا تارتىلدى

567 رەتكورسەتىلدى

بۇل تۋرالى ماڭعىستاۋ وبلىسى وڭىرلىك كوممۋنيكاتسيالار قىزمەتى الاڭىندا وتكەن بريفينگتە ايتىلدى.

الەۋمەتتىك جەلىلەردە جاڭادان سالىنىپ جاتقان تۇرعىن ۇيلەر ساتىلىمعا شىققانى جونىندە جاريالانۋدا. بۇعان قر «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭىنا سايكەس، ۇلەسكەرلەردىڭ قاراجاتى ەسەبىنەن تۇرعىن ءۇي قۇرىلىسىن جۇزەگە اسىرۋعا نيەت بىلدىرۋشىلەر جەرگىلىكتى اتقارۋشى ورگان تاراپىنان بەرىلەتىن رۇقسات قۇجاتتارىن راسىمدەۋى قاجەت. الايدا، بۇگىنگى كۇنى اقتاۋ قالاسى اۋماعىندا تۇرعىن ءۇي قۇرىلىسىن جۇرگىزىپ جاتقاندار ۇلەسكەرلەر قاراجاتىن تارتۋعا رۇقسات سۇراپ، جۇگىنگەنبەگەن. ياعني بىردە-ءبىر تۇلعادا رۇقسات جوق ەكەندىگى بەلگىلى بولدى.

ماڭعىستاۋ وبلىستىق پروكۋراتۋراسى ۇسىنعان دەرەكتەرگە سۇيەنەر بولساق، قىركۇيەك ايىنىڭ سوڭىندا اقتاۋ قالالىق  سوتىنىڭ شەشىمىمەن «نيەتسترويسەرۆيس» ديرەكتورى اسا اۋىر سيپاتتا الاياقتىق جاسادى دەپ تانىلىپ، 6 جىلعا باس بوستاندىعىنان ايىرىلدى. ۇلەسكەرلەردىڭ اقشاسىن زاڭسىز تارتقانى ءۇشىن بىرنەشە قۇرىلىس كومپانيا وكىلدەرى اكىمشىلىك جاۋاپكەرشىلىككە تارتىلعان.

قر «اكىمشىلىك-قۇقىقبۇزۋشىلىق» كودەكسىنىڭ 320-بابى بويىنشا 3 قۇرىلىس كومپانياسى - «كومپانيا ستروياليانس»، «KZ West Snab» جانە «نيەت ستروي سەرۆيس» جاۋاپقا تارتىلعان.

 

 

ماڭعىستاۋ وبلىسى

 

 

 

 

سوڭعى جاڭالىقتار

ەر قازاق ەدى ەراعا

تانىم • بۇگىن، 06:56

ەلىمىزدەگى ەڭ الىپ كىتاپ

ايماقتار • بۇگىن، 06:55

تاعايىنداۋ

پرەزيدەنت • بۇگىن، 06:50

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار