ب.بايمۇرزانىڭ ايتۋىنشا, ەسەپتى كەزەڭدە اگەنتتىكتىڭ العا قويعان مىندەتتەرىن باسشىلىققا الا وتىرىپ, دەپارتامەنت تەرگەۋ باعىتى بويىنشا ايتارلىقتاي ناتيجەلەرگە قول جەتكىزگەن. ول سىبايلاس جەمقورلىق فاكتىلەرىنىڭ جولىن كەسۋ بويىنشا جۇمىستىڭ تيىمدىلىگى 2 ەسەگە ارتىپ, پارا الۋ مەن بيۋدجەت قاراجاتىن ۇرلاۋ سياقتى سىبايلاس جەمقورلىق سحەمالارى ورىن الىپ, دەپارتامەنتپەن 6 دەرەك انىقتالىن, ولار بويىنشا بەلگىلەنگەن جانە وتەلگەن شىعىن 1,2 ملرد تەڭگەنى قۇراعانىن ايتىپ ءوتتى.
مىسالى, اۆتوجول سالاسىندا وبلىستىڭ كۆازيمەملەكەتتىك سەكتوردىڭ ەكى باسشىسى ياعني «كازاۆتوجول» ۇك اق ماڭعىستاۋ وبلىستىق فيليالىنىڭ ديرەكتورى جانە ونىڭ ورىنباسارى ۇيىمداستىلعان قىلمىستىق سحەمانىڭ جولى كەسىلدى. اتاپ ايتقاندا, ورىندالماعان اكتىلەرگە قول قويۋ جانە شارتتىق مىندەتتەمەلەردى بۇزعانى ءۇشىن اكىمشىلىك جاۋاپكەرشىلىككە تارتپاۋ, مەملەكەتتىك ساتىپ الۋدى جۇزەگە اسىرۋ كەزىندە ءونىم بەرۋشىنىڭ مۇددەسىن قولداۋ, سونداي – اق اۆتوجول قۇرىلىسىنا بولىنگەن بيۋدجەت قاراجاتىن جىمقىرۋ دەرەكتەرى پاراقورلىقتىڭ نەگىزى بولىپ تابىلدى.
قازىرگى تاڭدا جۇرگىزىلگەن تالداۋ ناتيجەسىمەن سىبايلاس جەمقورلىققا بەيىم سالالاردى انىقتاۋ جۇمىستارى جۇرگىزىلىپ كەلەدى. جۇرگىزىلگەن تالداۋ ناتيجەسىندە جەر قاتىناستارى, دەنساۋلىق ساقتاۋ, قۇرىلىس جانە اۋىل شارۋاشىلىعى سالالارى بويىنشا قىلمىس جولدارى كەسىلدى, دەدى ول.
سونداي-اق ازاماتتاردىڭ سەنىم دەڭگەيىن ارتتىرۋ مەن سىبايلاسجەمقورلىققا قارسى كۇرەسكە جاردەمدەسۋ اياسىندا دەپارتامەنتپەن 9 ادامعا 1 ملن 416,4 مىڭ تەڭگە كولەمىندە سىياقى بەرىلگەن.
