«بۇل ماسەلەنى قاراستىرىپ جاتقان جوقپىز, ويتكەنى قوعامدىق كولىكتى دامىتۋ تۇجىرىمداماسى بار. سوندىقتان باسقارما جول اقىسىن كوتەرۋ تۋرالى ءسوز قوزعاعان جوق. ارينە, بيۋدجەتكە اۋىرتپالىق تۇسىرگىمىز كەلمەيدى, ءتاريفتى كوتەرۋ كەرەك, بىراق ازاماتتار مەن جولاۋشىلاردىڭ الەۋمەتتىك جاعدايىن دا ەستەن شىعارماۋ قاجەت. بۇل - ءبىر كۇندە شەشىلەتىن ماسەلە ەمەس», - دەدى ەرلان ءادىلوۆ.
الماتى قالاسىنىڭ جولاۋشىلار كولىگى جانە اۆتوموبيل جولدارى باسقارماسى ۋاقىتىلى ءبولىنىپ جاتقان سۋبسيديالار كولەمى كولىكتىك قىزمەتتەردى ساپالى كورسەتۋ ءۇشىن جەتكىلىكتى دەپ سانايدى.
الماتىدا كولىك رەفورماسى, سونىڭ ىشىندە قوعامدىق كولىك جۇيەسىن جاڭارتۋ جۇمىستارى جالعاسۋدا. وتكەن جىلى قالاعا الەمدىك ستاندارتقا ساي «ەۆرو-5» ەكولوگيالىق ساناتتاعى جاڭا اۆتوبۋستار اكەلىنگەن. بيىل تاعى دا وسىنداي 400-گە جۋىق جاڭا قوعامدىق كولىك جولعا شىعادى.
«الىپ شاھار - الماتى قالاسىنداعى قوعامدىق كولىك سالاسىنداعى سوڭعى جىلدارداعى رەفورمالار وڭ وزگەرىستەرىن بەرە باستادى», – دەيدى ماماندار.
ەكى جىل بۇرىن قولدانىسقا ەنگەن «وڭاي» ەلەكتروندى بيلەتتەر جۇيەسى, قوعامدىق كولىكتەردىڭ ارنايى جول بەلگىلەرى جانە الەمدىك ستاندارتقا ساي «ەۆرو-5» ساناتىنداعى جاڭا اۆتوبۋستاردىڭ كەلۋى ءبىراز وزەكتى ماسەلەنىڭ ءتۇيىنىن شەشتى. وسى رەفورمالاردى تۇراقتاندىرۋ اياسىندا الداعى ۋاقىتتارى دا ۇلكەن جوبالار قولعا الىنىپ وتىر. مەملەكەتتەن بولىنگەن سۋبسيديا ناتيجەسىندە قازىر قالاداعى تاسىمالداۋشى كومپانيالار جاڭا اۆتوبۋستار ساتىپ الۋعا مۇمكىندىك الىپ وتىر. الماتىدا 15 تاسىمالداۋشى كومپانيا بار دەسەك, ونىڭ بىرەۋى عانا اكىمدىككە قارايدى. قالعانى – جەكە سەرىكتەستىك. قالادا كۇنىنە 1 مىڭ 445 اۆتوبۋس ءارتۇرلى باعىتتا جولاۋشىلار تاسىمالدايدى. وتكەن جىلدان باستاپ «ەۆرو-5» ەكولوگيالىق ساناتتاعى جاڭا اۆتوبۋستار كەلە باستادى.
«سوندىقتان كەيبىر تاسىمالداۋشىلاردىڭ ءتاريفتى كوتەرۋ قاجەتتىگى تۋرالى وتىنىشتەرى نەگىزسىز. اۋەلى ادامدار شاعىم كەلتىرمەيتىندەي ءتارتىپ ورناتىپ, ساپاسىن كوتەرسىن, سوسىن سۇراسىن. ءبىز ءۇشىن باستى كورسەتكىش - قالا تۇرعىندارىنىڭ قاناعاتتانۋ دەڭگەيى. بىراق ونىمەن ءالى دە جۇمىس ىستەۋ كەرەك», - دەدى باسقارما باسشىسىنىڭ ورىنباسارى ەرلان ءادىلوۆ.
بۇل رەتتە قوعامدىق تاسىمالداۋلاردىڭ الەۋمەتتىك ماڭىزى ەسكەرىلە وتىرىپ, اكىمدىك ساياساتى كولىك قىزمەتتەرىنىڭ حالىققا قولجەتىمدى بولۋىن قامتاماسىز ەتۋگە باعىتتالعانى اتاپ ءوتىلدى. سوندىقتان تاسىمالداۋشىلارعا قوعامدىق كولىكتى جاڭارتۋ جانە دامىتۋ ءۇشىن قوماقتى قاراجات بولىنۋدە. بۇدان باسقا قوعامدىق كولىكتەردى قاراجاتتاندىرۋ جول ءجۇرۋ اقىسىن تۇرعىندار ءۇشىن قولجەتىمدى دەڭگەيدە ۇستاپ, حالىقتىڭ الەۋمەتتىك تۇرعىدان وسال توپتارىنا جەڭىلدىك تاريفتەرىن ۇسىنۋعا مۇمكىندىك بەرىپ وتىر.
بۇعان دەيىن ول الماتىدا قوعامدىق كولىكتە ءجۇرىپ-تۇرۋدىڭ ناقتى ورتاشا قۇنىن اتاعان بولاتىن.
وسىلايشا, الماتىنىڭ اۆتوپاركى تاعى دا سۋ جاڭا ءارى ىڭعايلى اۆتوبۋستارمەن تولىعىپ وتىر. تاسىمالداۋشىلار قالاعا جاڭا 66 قوعامدىق كولىك اكەلگەن. 10 اۆتوبۋس تالعار مەن الماتى اراسىندا قاتىناسا, قالعانى جەتىسپەيتىن باعىتتارعا جىبەرىلەدى. سىيىمدىلىعى ۇلكەن جولاۋشىلار كولىگى 14-باعىتپەن دە جۇرەدى.
«قازىر تۇرعىندار تالعارعا شاعىن اۆتوبۋستارمەن قاتىناپ ءجۇر. جولاۋشىلار سانى كۇن سايىن ارتاتىندىقتان, ولاردىڭ ورنىنا سىيىمدىلىعى ۇلكەن اۆتوبۋس جىبەرۋدى ءجون كوردىك. جاڭا اۆتوبۋستار وتە ىڭعايلى. بارلىعى بەينەباقىلاۋ كامەرالارىمەن جانە «وڭاي» جۇيەسىمەن جابدىقتالعان», - دەيدى الماتى قالاسى موبيلدىلىك باسقارماسى باسشىسىنىڭ ورىنباسارى ەرلان ءادىلوۆ.
«الماتىەلەكتروترانس» جشس ديرەكتورى عاني تاجيەۆتىڭ ايتۋىنشا, ءىرى تاسىمالداۋشى كومپانيا قىسقى دايىندىققا تامىز ايىندا كىرىسىپ كەتكەن.
«اۋديت جۇرگىزدىك. جىلىتۋ جۇيەسىنىڭ تەحنيكالىق احۋالىن تەكسەردىك. ءبىز دايىنبىز. 15 قاراشادا سوڭعى دايىندىق جۇرگىزىلەدى», - دەدى عاني تاجيەۆ.
عاني تاجيەۆ جۋرناليستەرمەن كەزدەسۋدە الماتىداعى LRT جەڭىل رەلستى قۇرىلىسىنىڭ كەزەڭدەرى تۋرالى ەگجەي-تەگجەيلى ايتىپ بەردى جانە پايدالانۋعا بەرۋ مەرزىمى 2022 جىلدان 2023 جىلعا اۋىستىرىلعانىن ءتۇسىندىردى.
الماتىدا زاماناۋي ىڭعايلى ترامۆاي - LRT پايدا بولۋى تۋرالى جاڭالىقتاردا قولدانىسقا ەنگىزۋ كەيىنگە قالدىرىلاتىندىعى تۋرالى حابارلار ءجيى كەزدەسەدى.
«قازىر ماسەلە شەشىلدى. زاڭناماعا تۇزەتۋلەر ەنگىزىپ, «جەڭىل رەلستى جول سالۋ جوباسىن ىسكە اسىرعان جاعدايدا, قالا شەگى قۇرىلىس كولەمىنە كوبەيتىلەدى» دەگەن سوزدەرمەن تولىقتىرىلدى. ءبىز بۇل ەرەجەنى الدىق, قازىر ءبىز تەندەرلىك قۇجاتتامانى ازىرلەپ جاتىرمىز, ول جاسالۋدا, تەندەردىڭ 2-كەزەڭىن جاريالايمىز, كونكۋرستىق قۇجاتتاما ەكى ورگاندا - ەكونوميكا دەپارتامەنتىندە جانە الماتى قالاسىنىڭ دامۋ ورتالىعىندا ەكونوميكالىق ساراپتامادان وتكەن سوڭ» دەدى ول.
قازاقستان پرەزيدەنتى قاسىم-جومارت توقاەۆ الماتىعا ەكى كۇندىك جۇمىس ساپارى اياسىندا بولعان كەزدەسۋ بارىسىندا «ترامۆايلاردى جويۋ قاراما-قايشى شەشىم بولدى» دەپ مالىمدەپ, قاسكەلەڭ مەن تالعار قالالارىنىڭ اراسىن ترامۆاي جەلىلەرى ارقىلى بايلانىستىرۋ قاجەتتىگىن ايتقان بولاتىن.
«الماتىەلەكتروترانس» جشس ديرەكتورى عاني تاجيەۆ ونداي جوسپار ءدال الماتىنىڭ كۇن تارتىبىندە قاراستىرىلماعانىن, ازىرگە اۆتوبۋستاردىڭ كومەگىنە يەك ارتاتىنىمىزدى ايتتى.
الماتى
