ءىس-شارانىڭ ماقساتى – اقپاراتتىق تەحنولوگيالار سالاسىنداعى قىلمىستاردىڭ جولىن كەسۋ.
ماڭعىستاۋ وبلىسى كولەمىندە ينتەرنەت-الاياقتىق بويىنشا 5 دەرەك تىركەلدى. جەدەل-ىزدەستىرۋ بارىسىندا 1 اشىلماي تۇرعان ينتەرنەت جەلىسى ارقىلى جاسالعان الاياقتىق قىلمىس دەرەگى اشىلدى.
ناقتىراق ايتقاندا, قاراقيا اۋداندىق پوليتسيا ءبولىمى كريمينالدىق پوليتسيا بولىمشەسىنىڭ قىزمەتكەرلەرى «Anti-fraud» جەدەل-پروفيلاكتيكالىق ءىس-شاراسى بارىسىندا 2019 جىلدىڭ قاڭتار ايىندا بەلگىسىز تۇلعا قاساقانا, پايداكۇنەمدىك نيەتىمەن «Whatsapp Messenger» الەۋمەتتىك جەلىسى ارقىلى جابىرلەنۋشىنىڭ 30 000 (وتىز مىڭ) تەڭگە اقشاسىن يەمدەنگىسى كەلىپ, «KIWI» اميانعا اقشا سالدىرعان. اتالعان دەرەك بويىنشا شۇعىل-ىزدەستىرۋ شاراسى ناتيجەسىندە قاراقيا اۋدانىنىڭ تۇرعىنى ەكەنى انىقتالىپ, ۇستالدى. كۇدىكتىدەن مويىنداۋ جاۋابى الىندى. قاراقيا اۋداندىق پوليتسيا ءبولىمىنىڭ سوتقا دەيىنگى تەرگەۋدىڭ بىرىڭعاي تىزىمىنە قر قك-ءنىڭ 24-3-بابى, 190-بابى 2-بولىگى 4-تارماعىمەن تىركەلدى.
تاعى ءبىر اقپاراتتىق تەحنولوگيالار سالاسىنداعى قىلمىس دەرەگى تاياۋدا اقتاۋ قالاسىندا بولدى. عالامتور جەلىسىندەگى Kizdar.net سايتىنا اشىق تۇردە پورنوگرافيالىق سۋرەتتەرىن سالعانى جانە جارنامالاعانى ءۇشىن وزبەكستان ازاماتشاسى انىقتالىپ, ۇستالدى. بۇل دەرەك قر قك-ءنىڭ 311-بابىنا سايكەس سدتبت-نە تىركەلدى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە.
ماڭعىستاۋ وبلىسى
