- ناقتىراق ايتقاندا, قورعا 265 مىڭ تەڭگە شاماسىنداعى قارجىنى جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالار اۋدارسا, 478 ملن 78 مىڭ تەڭگە – جۇمىس بەرۋشىلەردىڭ اۋدارىمدارى. ماڭعىستاۋ جارنا تولەۋ بويىنشا ايماقتار اراسىندا 6-ورىندا تۇر, - دەيدى امسق فيليالى ديرەكتورىنىڭ ورىنباسارى جانەتتا كەرىمباەۆا.
ماڭعىستاۋ بويىنشا 2017 جىلدىڭ 1 شىلدەسىنەن 2019 جىلدىڭ 31 تامىزىنا دەيىنگى ارالىقتا جيناقتالعان جارنانىڭ جالپى سوماسى 11 ملرد 336 مىڭ تەڭگەنى قۇرادى, ال بۇكىل رەسپۋبليكا بويىنشا قوردا 224 ملرد تەڭگەگە جۋىق سوما جيناقتالعان. ايماقتىق تۇرعىدان العاندا, جارنا تولەۋدەن الماتى, نۇر-سۇلتان قالالارى كوش باستاپ كەلەدى. ال قاراعاندى وبلىسى ءۇشىنشى ورىندا تۇر.
ايتا كەتەيىك, جيناقتالعان قارجى ۇلتتىق بانكتە ساقتالادى. بولاشاقتا ءمامس پاكەتى شەڭبەرىندەگى قىزمەتتەر اقىسىن تولەۋگە جۇمسالادى. ەلىمىزدىڭ باس بانكىمەن قارجىنى سەنىمگەرلىك باسقارۋ تۋرالى كەلىسىم بەكىتىلگەن.
مىندەتتى الەۋمەتتىك مەديتسينالىق ساقتاندىرۋ جۇيەسى 2020 جىلدىڭ 1 قاڭتارىنان باستاپ ەنگىزىلەدى.
ماڭعىستاۋ وبلىسى
