- ماڭعىستاۋ وبلىسى پوليتسيا دەپارتامەنتىندە «ەسىرتكىمەن كۇرەس» شارتتى اتاۋىمەن Whats App مەسسەندجەرىنە قوسىلعان سەنىم تەلەفونى بار. وعان ەسىرتكى ساۋداسىمەن بايلانىستى زاڭسىز ارەكەتتەر, قىلمىستار تۋرالى جانە عالامتور سايتتارى, گراففيتي جازبالار نەمەسە ەسىرتكى زاتتارىن ساقتاۋ جانە ساتۋ تۋرالى اقپارتتارى بار كەز كەلگەن ادام جۇگىنە الادى,- دەدى ماڭعىستاۋ وبلىسى پوليتسيا دەپارتامەنتى باستىعىنىڭ ورىنباسارى, پوليتسيا پودپولكوۆنيگى ا.قاليەۆ.
مامانداردىڭ ايتۋىنشا, وبلىس كولەمىندە تاركىلەنەتىن ەسىرتكى زاتتارى كوبىنەسە تابيعي جولمەن شىققان بولىپ تابىلادى (گەروين, گاشيش, وپي, ماريحۋانا). سونىمەن قاتار, وسى جىلى قر قك-ءنىڭ 297 بابى بويىنشا جۇرگىزىلىپ جاتقان قىلمىستىق ءىس شەڭبەرىندە سينتەتيكالىق N.N-ديەتيلپەنتيلونا ەسىرتكى زاتى, 0,78 گرامم سالماقپەن تاركىلەنگەن. قازىرگى تاڭدا سينتەتيكالىق ەسىرتكى زاتتارىن اينالىمعا شىعارعان تۇلعالاردى انىقتاۋ جانە ۇستاۋ بويىنشا ارنايى ءىس-شارالار جۇرگىزىلۋدە.
وبلىس ورتالىعى اقتاۋ قالاسىندا 2019 جىلدىڭ 10 اي ىشىندە 74 ادام تولىق قالپىنا كەلتىرۋ كۋرسىنان وتتىزىلگەن. قازىرگى ۋاقىتتا رەسپۋبليكالىق ورتالىقتارعا جولداۋعا 2 ادامنىڭ قۇجاتتارى دايىندالۋدا. وبلىستىق پسيحيكالىق دەنساۋلىق ورتالىعىندا 2019 جىلدىڭ 1 قاراشاعا ەسەپتە 1 155 ادام, ونىڭ ىشىندە پروفيلاكتيكالىق ەسەپتە 488 ادام تۇرعان بولسا, ولاردىڭ 13-ءى ايەل ادام, 2-ءى ءجاسوسپىرىم. ديسپانسەرلىك ەسەپتە تۇرعان 667 ادامدار اراسىندا 46 ايەل ادام, 1 ءجاسوسپىرىم بار.
ماڭعىستاۋ وبلىسى
