قالا ىشىندە اۆتوبۋس كولىگى ارقىلى جولاۋشى تاسىمالداۋمەن جەتى باعىت بويىنشا (№2,3,4,4م,5,7,اۋەجاي-اقتاۋ) حالىققا قىزمەت كورسەتىلۋدە. اتالعان باعىتتاردىڭ بارلىعى 74 اۆتوبۋسپەن قامتىلعان.
قالامىزدىڭ جولاۋشىلار تاسىمالداۋ اۆتوبۋستارىن جاڭارتۋ جۇمىستارى جوسپارلانۋدا.
سونىمەن قاتار تۇرعىنداردىڭ وتىنىشتەرىنە سايكەس №2,3,5 مارشرۋتتاردىڭ ءجۇرۋ باعىتتارى وزگەرتىلدى.
سونداي-اق اۆتوبۋستاردىڭ ۋاقىتى مەن ينتەرۆالىن ءبىلىپ وتىرۋ ءۇشىن «ينفوباس» ءموبيلدى قوسىمشاسى حالىققا ۇسىنىلدى, قازىرگى تاڭدا شامامەن 25 000 جۋىق ادام ءموبيلدى قوسىمشانى قولدانادى.
قازىرگى تاڭدا اقتاۋ قالاسى بويىنشا قوعامدىق كولىك اۆتوبۋستارىنىڭ 50%-دان جوعارى بولىگى اۋىستىرۋدى قاجەت ەتەدى. اتالعان ماسەلەنى شەشۋ ءۇشىن تاسىمالداۋشى مەكەمەلەرگە «برك-ليزينگ» باعدارلاماسى بويىنشا جەڭىلدەتىلگەن نەسيەمەن اۆتوبۋس ساتىپ الۋ ءۇشىن وبلىستىق اكىمدىككە جانە «كاسپي» اكك ۇق» اق 2017 جىلدان بەرى ۇسىنىس بەرىلىپ كەلە جاتىر.
-قازىرگى تاڭدا «سارىاركا اۆتوپروم» جشس بىرلەسىپ, 34 «Yutong» ماركالى اۆتوبۋستى الۋعا وبلىستىق بيۋدجەتتەن 220,9 ملن تەڭگە بولىنگەن. «Yutong» ماركالى اۆتوبۋستار سىعىمدالعان مەتان گازىمەن جۇرەدى. وسى جوبانى ىسكە اسىرۋ ماقساتىندا «كاسپي» اكك ۇق» اق جانە «كازترانسگازونىمدەرى» جشس سىعىمدالعان مەتان گاز ستانساسىنىڭ قۇرىلىسىن سالۋعا مەموراندۋمعا قول قويىلدى. سونىمەن قاتار «كاسپي» اكك ۇق» اق اۆتوبۋس پاركىنىڭ قۇرىلىسىن سالۋ جوسپارلانۋدا,- دەدى قالا باسشىسى.
قالانىڭ تاسىمالداۋشى مەكەمەلەردىڭ ءوز تاراپتارىنان اۆتوبۋس ساتىپ الۋعا مۇمكىندىكتەرى جوق. سەبەبى, جولاقىسىنىڭ قۇنى بارلىق شىعىندارىن جابۋعا جەتپەيدى (رەسپۋبليكا بويىنشا ەڭ تومەنگى جولاقى 50 تەڭگە). جولاقىسىنىڭ كولەمىن مەتوديكالىق ەسەپ بويىنشا 80 تەڭگە دەيىن كوتەرۋ قاجەت ەكەندىگىن ايتتى.
سونىمەن قاتار 10 سانات بويىنشا 2500 ادام جانە كوپبالالى انا ساناتى بويىنشا 1500 اسا ادام قوعامدىق كولىكتە تەگىن ءجۇرۋ رۇقساتىن الىپ وتىر. وسىعان وراي, تاسىمالداۋشى مەكەمەلەرگە مەملەكەت تاراپىنان قارجىلاي (سۋبسيديا) كومەك كورسەتىلۋ قاجەت.
ماڭعىستاۋ وبلىسى
