سپورت • 06 قاراشا، 2019

ۆولەيبول: ارداگەرلەردى ەسكە الدى

69 رەتكورسەتىلدى

«سىربار» سىرتقى بارلاۋ قىزمەتىنىڭ قول­داۋى­مەن «قر ۇقك سىرتقى بارلاۋ ارداگەرلەرى» قوعامدىق بىرلەستىگى الماتى قالاسىندا ۆولەيبولدان جارىس ۇيىمداستىردى. ايتۋلى شارا وسى سالادا ەڭبەك ەتىپ، سپورتتىق سايىستاردا ەلەۋلى تابىستارعا قول جەتكىزگەن ارداگەر بارلاۋشىلاردى ەسكە تۇسىرۋگە ارنالدى.  

ەگەمەن ەل­دىڭ ەرتەڭى – بۇگىنگى جاس ۇرپاق. سوندىقتان جاس جەتكىنشەك­تەردى ەڭبەككە باۋلۋ، رۋحاني-ادامگەرشىلىك قاسيەتتەرگە تاربيەلەۋ – اعا بۋىنعا جۇك­تەلگەن مىندەتتەردىڭ ءبىرى. ۇزاق جىلدار بويى سىرتقى بارلاۋ قىزمەتىنىڭ ارداگەرلەرى جاس ۇرپاقتىڭ سا­لاۋاتتى ءومىر ءسۇرۋىن قالىپتاستىرۋ باعىتىندا كو­پ­تەگەن يگى ىستەر اتقارۋدا.

جارىستىڭ سالتاناتتى اشىلۋ راسىمىندە «قر ۇقك ار­دا­گەرلەرى» قوعامدىق بىر­لەستىگى الماتى فيليالىنىڭ توراعاسى ابدىمالىك رايىمقۇلوۆ پەن «قر ۇقك سىرتقى بارلاۋ ار­دا­گەرلەرى» قوعامدىق بىر­لەستىگى توراعاسىنىڭ ورىنباسارى بەردىحان سارسەنباەۆ قۇتتىقتاۋ ءسوز سويلەدى. ال باسەكەلەر ۇقك-ءنىڭ سىرتقى بارلاۋ قىز­مە­تى­ مەن شەكارا قىزمەتى، ۇقك الماتى قالاسى بويىنشا دەپارتامەنتى، ۇقك اكادەميا­سى­ مەن ۇقك ارنايى اقپاراتتىق قىزمە­تى كوماندالارى اراسىندا ءوتتى.

سىرتقى بارلاۋ ارداگەرلەرىنىڭ ۆولەيبول كومانداسى تمد اۋماعىنداعى جا­رىستاردا سان مارتە اتوي سالعان. بۇل ۇجىمعا ۇزاق جىلدار بويى «قازاق­ستان رەس­پۋب­ليكاسى ۇقك سىرتقى بار­لاۋ ارداگەرلەرى» قوعامدىق بىرلەستىك تورا­عا­سىنىڭ ورىنباسارى مىندەتىن اتقارعان، ەل­دەن تىس جەرلەردە ارنايى وپەراتسيالاردى ورىن­داپ، ەكى مارتە قىزىل جۇلدىز، اۋعانستاننىڭ ء«بى­رىنشى دارەجەلى جۇل­دى­زى» جانە «با­تىلدىعى ءۇشىن» وردەندەرى جانە كوپ­تە­گەن جاۋىن­گەر­لىك مەدالدارمەن مارا­پاتتالعان پولكوۆنيك ابدىعاپار مير­مانوۆ جەتەكشىلىك ەتتى. ايتۋلى ازامات 2017 جىلى كوكتەمدە قايتىس بول­دى. قازىر جىل سايىن سپورتشى ارداگەرلەرىمىزدى ەسكە الىپ وسىنداي تۋرنيرلەردى وتكىزۋ داستۇرگە اينالىردىق. سونداي-اق، وسى سالادا ۇزاق جىلدار بويى قىزمەت ەت­كەن مارقۇم – پولكوۆنيكتەر تۇرلىبەك نيازقۇلوۆ پەن اناتولي پۋشكارەۆ ءدال وسى كوماندا ساپىندا ويناعان. «قر ۇقك ار­دا­گەرلەرى» قوعامدىق بىرلەستىگىنىڭ الماتى فيليالىن باسقارعان مارقۇم مارات شابانباەۆ تا سپورتتىڭ وسى ءتۇرىن ابدەن مەڭگەرگەن، – دەدى ءوز سوزىندە بەردىحان سارسەنباەۆ.

اسا شيەلەنىستى وتكەن جارىستا جەڭىمپاز اتانعان ۇقك شەكارا قىزمەتى اكا­دە­ميا­سىنىڭ كومانداسى اۋىسپالى كۋبوكقا يە بول­دى. ەكىنشى ورىندى سىرتقى بارلاۋ ارداگەرلەرى جەڭىپ السا، جۇلدەلى ءۇشىنشى ورىندى شەكاراشى ارداگەرلەر يەلەندى. جۇلدە العان كوماندالارعا اقشالاي سىيلىقتار تابىستالدى. جارىسقا قاتىسقان بارلىق ويىنشىلارعا «سىربار» سىرتقى بارلاۋ قىزمەتىنىڭ سيم­ۆو­لي­كالارى بار ۆىمپەلدەر مەن كادەسىيلار تا­راتىلدى.

 

الماتى

سوڭعى جاڭالىقتار

كۇلكى كەرۋەنى № 20

رۋحانيات • كەشە

ءحالىڭ قالاي، قوستاناي؟

ايماقتار • كەشە

«يوكەريتتەن» جەڭىلدى

حوككەي • كەشە

ونلاين-وقىرمان

تەحنولوگيا • كەشە

ۇقساس جاڭالىقتار