سلوۆاكيانىڭ استاناسى – براتيسلاۆادا ۇيىمداستىرىلعان «چەللەندجەر» ساناتىنداعى تۋرنيردە ميحايل كۋكۋشكين ءۇشىنشى كەزەڭگە جولداما الىپ وتىر. العاشقى اينالىمداعى قارسىلاسىن قاپى قالدىرعان ول ەكىنشى ويىندا بەلگيالىق كيممەر كوپپەيانستىڭ تاس-تالقانىن شىعاردى. نەبارى 57 مينۋتقا سوزىلعان سايىس 6:0, 6:2 ەسەبىمەن اياقتالدى.
ءدال سول جارىستا باق سىناعان الەكساندر نەدوۆەسوۆ تۇساۋكەسەر كەزدەسۋىندە ۋكراينالىق يليا مارچەنكوعا ەسە جىبەردى – 5:7, 6:7.
اقش-تىڭ نوكسۆيلل قالاسىندا ءوتىپ جاتقان دودادا دميتري پوپكونىڭ قارقىنى قۋانتارلىق. باستاپقى باسەكەدە كولۋمبيالىق روبەرتو كيروسقا سان سوقتىرعان جەرلەسىمىز كەلەسى كەزەڭدە الەمنىڭ 118 راكەتكاسى, يتاليالىق پاولو لورەتسيمەن شەبەرلىك بايقاستى. بۇل تارتىس پوپكونىڭ پايداسىنا شەشىلدى – 4:6, 6:2, 6:4.
