31 جاستاعى نيۆالا قالاشىعىنىڭ تۋماسى 10 جىلعى جۋىق ۋاقىت ءوز ەلىنىڭ «كيارپيات» پەن «يوكەريت» كلۋبتارىندا وينادى. 2016-2018 جىلدار ارالىعىندا قازاننىڭ «اق بارسىندا» ونەر كورسەتتى. تاتارستاننىڭ كومانداسىمەن بىرگە گاگارين كۋبوگىن ولجالادى. قحل-با بارلىعى 264 رەت مۇز ايدىنىنا شىعىپ, 48 (13 گول+35 پاس) ۇپايدى ەنشىلەدى.
بيىلعى ماۋسىمدى اتتە وحتاماا شۆەيتساريانىڭ «لۋگانوسىندا» وتكىزدى. بويى – 188 سانتيمەتر, سالماعى – 92 كيلو. فينليانديانىڭ ۇلتتىق قۇراماسى ساپىندا 2014 جانە 2016 جىلدارى الەم بىرىنشىلىكتەرىندە كۇمىس مەدالىن يەلەنسە, 2019 جىلى دۇنيەجۇزى چەمپيونى اتاندى. مىنە, ەندى سۋومي ەلىنىڭ وكىلى «بارىستىڭ» جەيدەسىن كيدى.
جوعارىداعى جاڭالىقتى قازاقستاندىق جانكۇيەرلەر جىلى قابىلدادى. سەبەبى, بيىلعى ماۋسىمدى قارقىندى باستاعان «بارىس» سوڭعى تۋرلار تىم سۇرەڭسىز ونەر كورسەتۋدە. ولار قاتارىنان بەس كەزدەسۋدە ۇتىلىپ, جارىس كەستەسىندەگى جاعدايدىن ءبىراز ناشارلاتىپ الدى.
