سپورت • 06 قاراشا, 2019

كاسىپقوي بوكس: GGG شەرمەتامەن جۇدىرىقتاسۋى مۇمكىن

300 رەت
كورسەتىلدى
1 مين
وقۋ ءۇشىن

قازىرگى كەزدە بارلىق باق وكىلدەرى قازاقستاننىڭ ايگىلى كاسىپقوي بوكسشىسى گەننادي گولوۆكيننىڭ پولشالىق كاميل شەرمەتامەن جۇدىرىقتاساتىنى جايىندا جارىسا جازۋدا. ال سول سپورتشى جايىندا ءبىز نە بىلەمىز؟

كاسىپقوي بوكس: GGG شەرمەتامەن جۇدىرىقتاسۋى مۇمكىن

11 قازاندا 30 جاسقا تولعان كاميل 2012 جىلدان بەرى كاسىپقوي رينگتە كۇش سىناسىپ ءجۇر. سول ارالىقتا 21 كەزدەسۋ وتكىزىپ, بارلىعىندا جەڭىسكە جەتتى. بەس كەزدەسۋدى مەرزىمىنەن بۇرىن اياقتادى. وسى تابىسىنىڭ ارقاسىندا ورتا سالماقتا ەۋروپا چەمپيونى دەگەن اتاققا قول جەتكىزدى.

سوڭعى رەت ول 5 قازاندا نيۋ-يوركتەگى ايگىلى مەديسون سكۆەر گاردەن كەشەنىندە گەننادي گولوۆكين مەن سەرگەي دەرەۆيانچەنكو اراسىندا وتكەن جەكپە-جەكتىڭ اندەركاتىندا مەكسيكالىق وسكار كورتەستى ەكىنشى راۋندا تەحنيكالىق نوكاۋتپەن ۇتتى. بۇگىنگى تاڭدا پولشا بوكسشىسى WBC پەن WBA نۇسقالارى بويىنشا ۇزدىك ۇشتىكتىڭ قاتارىندا.

كەزىندە كاميل شەرمەتانىڭ اۋەسقويلار اراسىندا دا ءتاۋىر جۇدىرىقتاسقانىن ايتا كەتكەن ابزال. ءالى ەسىمىزدە, 2010 جىلى پولشادا وتكەن فەليكس شتامنىڭ مەموريالىنىڭ فينالدىق سايىسىندا ايتۋلى بوكسشى قازاقتىڭ ماقتانىشى سەرىك ساپيەۆپەن كەزدەستى. سول باسەكە پولياك جىگىتىنىڭ پايداسىنا شەشىلگەن ەدى. 

 

 

سوڭعى جاڭالىقتار