پورتال ەنگىزۋ ء«بىر تەرەزە» قاعيداتى ارقىلى وڭالتۋ قۇرالدارى مەن قىزمەتتەرىنە تەڭ قولجەتىمدىلىكتى, سونداي-اق جەكە قاجەتتىلىكتەردى, جەتكىزۋشىلەر, الەۋمەتتىك قىزمەتكەرلەر مەن ماماندار تۋرالى مالىمەتتەردى ەسەپكە الۋدى قامتاماسىز ەتەدى.
بۇل ادال باسەكەلەستىكتى ارتتىرۋعا مۇمكىندىك بەرەدى جانە الەۋەتتى ءونىم بەرۋشىلەردىڭ وڭالتۋ قۇرالدارى مەن قىزمەتتەرىن ىسكە اسىرۋدىڭ اشىقتىعىن قامتاماسىز ەتەدى.
پورتال 6 قىزمەتتىڭ (ينۆاتاكسي قىزمەتتەرىنەن باسقا) 5 پروتسەسىن تسيفرلاۋدى كوزدەيدى. ولاردىڭ ىشىندە: ارناۋلى الەۋمەتتىك قىزمەتتەر كورسەتۋ; تەحنيكالىق وڭالتۋ قۇرالدارىمەن قامتاماسىز ەتۋ; ىمداۋ ءتىلى مامانىنىڭ, جەكە كومەكشىنىڭ, ساناتورلىق-كۋرورتتىق ەمدەلۋدىڭ قىزمەتتەرىن كورسەتۋ.
سونداي-اق 2020 جىلدان باستاپ 5 بيزنەس-ۇدەرىستىڭ 2-ەۋىن پورتالعا اۋىستىرۋ جوسپارلانۋدا, ونىڭ ىشىندە ارنايى الەۋمەتتىك قىزمەتتەر جانە 55 تەحنيكالىق وڭالتۋ قۇرالدارىنىڭ 24-ءىن قامتاماسىز ەتۋ.
سونىمەن قاتار 2020 جىلدىڭ كوكتەمىنەن باستاپ پورتالدا قالعان 3 بيزنەس-پروتسەسس (ساناتورلىق-كۋرورتتىق ەمدەۋ, جەكە كومەكشىنىڭ جانە ىمداۋ ءتىلى مامانىنىڭ قىزمەتتەرى) بويىنشا قىزمەتتەردى الۋعا بولادى.
ۇزدىكسىز قامتاماسىز ەتۋ ماقساتىندا 2020 جىلى وڭالتۋ تاۋارلارى مەن قىزمەتتەرى بالامالى نەگىزدە پورتال جانە مەملەكەتتىك ساتىپ الۋ ارقىلى كورسەتىلەتىن بولادى. ەلەكتروندى فورماتقا تولىق كوشۋ 2021 جىلدان باستاپ جۇرگىزىلەدى.
