جوبانىڭ نەگىزگى ماقساتى – جاستاردى, اسىرەسە, وسال توپتارىن قوعامعا بەيىمدەۋ جانە ناتيجەلى جۇمىسپەن قامتۋعا قاجەتتى داعدىلاردى دامىتۋ ارقىلى قوعامدىق پايدالى قىزمەتكە تارتۋ.
جوبا 14-29 جاس ارالىعىنداعى جاستارعا (مەكتەپ جاسىنداعى وقۋشىلاردى ەسەپتەمەگەندە), ياعني ءوز الەۋەتىن, ومىرلىك داعدىلارى مەن كوشباسشىلىق قاسيەتتەرىن دامىتۋعا باعىتتالعان. جوبادا ەرەكشە باسىمدىق جۇمىس ىستەمەيتىن جانە وقىمايتىن, سونداي-اق جۇمىسى بولا تۇرا, تابىسى تومەن قاتىسۋشىلارعا بەرىلەدى.
جوبا اياسىندا ماڭعىستاۋ وبلىسىندا 321 جوبا ىسكە اسىرىلدى, وندا 1070-كە جۋىق جاس قاتىسىپ, ولار وزدەرىنىڭ باستامالارىن ىسكە اسىرۋ ءۇشىن 1 000 000 تەڭگە كولەمىندە گرانتتار الدى. سونىمەن قاتار ومىرلىك داعدىلار مەن جوبالاردى باسقارۋ بويىنشا بىرەگەي وقۋ باعدارلاماسىنان ءوتۋ مۇمكىندىگى بەرىلدى. جوبالىق ستيپەنديالارعا اي سايىن الەۋمەتتىك ستيپەنديا تولەندى (تۇلەكتەرگە 60 000 تەڭگە, قالعان قاتىسۋشىلارعا 40 000 تەڭگە). الەۋمەتتىك جوبا ىسكە اسىرىلعان كەزەڭدە مىنا باعىتتار بويىنشا كىشى جوبالار اشىلدى: 93 اۋىل شارۋاشىلىعىنىڭ ەت جانە ءسۇت ونىمدەرى, 26 ءبىلىم بەرۋ ورتالىعى, 17 دەمالىس ورتالىعى مەن شىعارماشىلىق ۇيىرمەسى, 19 سپورت ورتالىعى مەن فيتنەس كلۋبى, 24 ناۋبايحانا مەن كونديتەرلىك, 29 تىگىن جانە اياق كيىم شەبەرحاناسى, 3 سۇلۋلىق سالونى.
جوبانى ىسكە اسىرۋداعى ماڭىزدى كەزەڭ – بۇل ماڭعىستاۋ وبلىسىنىڭ ىسكە اسىرىلعان الەۋمەتتىك جوبالارىنىڭ ناتيجەسىن 2019 جىلدىڭ 11 قاراشاسىندا وتەتىن ونىمدەر كورمەسى مەن وڭىرلىك فورۋمىندا قورىتىندىلاۋ. فورۋم «اتامەكەن» اەس, «دامۋ» قوعامدىق قورىنىڭ وكىلدەرى, ءماسليحات دەپۋتاتتارى جانە ۇيلەستىرۋ اگەنتتىگىنىڭ قىزمەتكەرلەرى, ماڭعىستاۋ وبلىسىنان قاتىسۋشىلار مەن جوبا تالىمگەرلەرىنىڭ قاتىسۋىمەن وتەدى.
