كونفەرەنتسيا اياسىندا «YU پاراساتتىلىق مەكتەبى» اشىلدى.
كونفەرەنتسيا بارىسىندا «ماڭعىستاۋ – ادالدىق الاڭى» جوبالىق كەڭسەسىنىڭ باسشىسى دايراباي ۇسىپباەۆ «ادال ۇرپاق – جارقىن بولاشاق» تاقىرىبىندا بايانداما جاسادى. ال قوعامداعى پاراساتتىلىق مادەنيەت دەڭگەيىن قالىپتاستىرۋ جولدارى تۋرالى پرەزيدەنت جانىنداعى مەملەكەتتىك باسقارۋ اكادەمياسىنىڭ ماڭعىستاۋ وبلىسى بويىنشا فيليالىنىڭ ديرەكتورى ايگۇل دەمەۋوۆا اڭگىمەلەپ بەردى.
سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ الدىن الۋ جانە پاراساتتىلىق باسقارماسىنىڭ باس مامانى نۇرگۇل مۇقاتاي اگەنتتىكتەگى جاڭا قۇرىلىمدىق بولىمشەلەر تۋرالى, ولاردىڭ ميسسياسى, جالپى پاراساتتىلىق ۇعىمى تۋرالى سلايد قولدانا وتىرىپ, كەڭىنەن ءتۇسىندىردى. «قورعاۋ» ورتالىعىنىڭ زاڭگەرى مۇسا نۇرجانوۆ ماڭعىستاۋ وبلىستىق ازاماتتىق اليانس زتب وكىلى ءلاززات الماگانبەتوۆا, وسى ۋنيۆەرسيتەتتىڭ ستۋدەنتى ايدىناي ۋتەشوۆالار قۇقىقتىق ساۋاتتىلىق تۋرالى, قوعامداعى سىبايلاس جەمقورلىققا قارسى سانا سەزىمدى قالىپتاستىرۋدىڭ ءتيىمدى جولدارى, جالپى پاراساتتىلىق ۇعىمىنىڭ كەڭ كولەمدەگى ءمان-ماعىناسى تۋرالى باياندادى.
ۋنيۆەرسيتەتتىڭ «قۇقىقتانۋ» كافەدراسىنىڭ مەڭگەرۋشىسى باعدات اۋەشوۆا ۋنيۆەرسيتەتتە اشىلعان «پاراساتتىلىق مەكتەبى», ونىڭ قۇرامى, جەتەكشىلەرى مەن ورىنداۋشىلارى, جالپى ايتقاندا نەگىزگى ماقساتى مەن مىندەتتەرى تۋرالى تارقاتا اڭگىمەلەپ, ازىرلەنگەن جوسپارىمەن تانىستىردى.
ءجارىسسوز كەزىندە ماڭعىستاۋ وبلىسىنىڭ زاڭ كونسۋلتانتتار پالاتاسىنىڭ توراعاسى يگور ماشينسكي عىلىي كونفەرەنتسياعا قاتىسۋشىلاردىڭ باياندامالارى تارتىمدى بولعانىن اتاپ ءوتىپ, ءوز تاراپىنان جاس بۋىنمەن ءبىر ارنادا بولۋ ءۇشىن الەۋمەتتىك جەلىلەردى كەڭىنەن قولدانۋدى ۇسىندى.
