ايتۋلى جارىستىڭ ەرلەر سايىسىندا قاراعاندى وبلىسىنان كەلگەن ورەندەردىڭ قارقىنى كۇشتى بولدى. وسى وڭىردەن شىققان كيريلل ستاروۆەركين (81 كيلو) مەن ارتەم انتروپوۆ (96 كيلو) الدارىنا جان سالمادى. سونداي-اق قىزىلوردالىق ەۆگەني لومانوۆ (89 كيلو) پەن وسكەمەندىك رينات قالياقبەروۆ (102 كيلو) ءوز سالماق دارەجەلەرىندە جەڭىمپاز اتاندى.
ايەلدەر اراسىندا اقمولالىق ديانا جۇسىپبەكوۆا (55 كيلو) مەن ەكاتەرينا ستوليارەنكو (71 كيلو) جانە شىعىسقازاقستاندىق داريا پاۆلوۆا (64 كيلو) التىننان القا تاعىندى.
سونىمەن قاتار ءدال سول كۇندەرى 23 جاسقا دەيىنگى زىلتەمىرشىلەر اراسىندا قازاقستان بىرىنشىلىگى ءوتتى. ەرلەر مەن ايەلدەر اراسىنداعى جارىستىڭ ەكەۋىنىڭ دە كوماندالىق ەسەبىندە قىزىلوردا وبلىسىنىڭ وكىلدەرى باس جۇلدەنى جەڭىپ الدى.
