كوپتەگەن تىلدەرگە اۋدارىلعان شىعارمادا تەك سوعىس زاردابى نەمەسە ايەل تاعدىرى جايلى ەمەس, ودان تەرەڭ, ۇلكەن ماحاببات وقيعاسى باياندالادى. قىرعىزستانننان ارنايى شاقىرتىلعان داڭقتى جازۋشىنىڭ ۇلى اكەسىنىڭ جانى قازاق ەلىمەن بىرگە بولعانىن ايتتى. «اكەم قازاقستاندى ءوز ەلىم دەپ ەسەپتەيتىن. ول ءۇشىن ەكى ەل اراسىندا شەكارا بولماعان. بالالىق شاعى وتكەن شەكەر اۋىلى قازاقستانعا جاقىن ورنالاسقاندىقتان ۇنەمى وسى ەلمەن تىعىز بايلانىستا بولدى. وسى ەلدىڭ سالت-ءداستۇرىن جاقسى ءبىلدى. بۇل ء«جاميلا» پوۆەستى اكەمنىڭ العاشقى جازعان تۋىندىلارىنىڭ ءبىرى بولسا دا, وتە تانىمال ەدى», دەيدى شىڭعىس ايتماتوۆتىڭ ۇلى ەلدار ايتماتوۆ.
ء«جاميلا» - جاس تەاتردىڭ كورەرمەنگە قازاق تىلىندە ۇسىنعان العاشقى قويىلىمى. كورەرمەندەر اۆتوردىڭ ماحابباتتى بيىك قويعانىن, قويىلىم رەجيسسەرى دە شىنايى كورسەتە بىلگەنىن اتاپ ءوتتى.
