بيىل «Digital Bridge» فورۋمى ەلىمىزدىڭ جاس IT-ماماندارىن قولداۋ ءۇشىن قازاقستان پرەزيدەنتى قاسىم-جومارت توقاەۆتىڭ باستاماسىمەن وتكەنىن ايتا كەتكەن ءلازىم.
فورۋم بارىسىندا شانحاي ىنتىماقتاستىق ۇيىمى ەلدەرى حالىقارالىق تەحنوپاركتەرىنىڭ دوڭگەلەك ۇستەلى ءوتتى. دوڭگەلەك ۇستەلگە قاتىسۋشىلار تەحنيكالىق كاسىپكەرلىكتىڭ ەكوجۇيەسىندەگى عىلىمي-زەرتتەۋ ينستيتۋتتارى, تەحنوپاركتەر جانە مۇددەلى تاراپتار اراسىنداعى ىنتىماقتاستىقتى نىعايتۋ ءۇشىن شىۇ ەلدەرى تەحنوپاركتەرىنىڭ مۇمكىندىكتەرىن تالقىلادى. دوڭگەلەك ۇستەلگە Astana Hub حالىقارالىق IT-ستارتاپتار تەحنوپاركىنىڭ باس ديرەكتورى دجوزەف تسيگلەر, «IT Park Uzbekistan» تەحنوپاركىنىڭ باس ديرەكتورىنىڭ ورىنباسارى ابدۋلاحاد كۋچكاروۆ, قىرعىز رەسپۋبليكاسىنىڭ جوعارى تەحنولوگيالار پاركىنىڭ ديرەكتورى التىنبەك يسمايلوۆ, «Future Laboratory» باس ديرەكتورى يراكلي كاشيبادزە, «Innoland» دامۋ كورپوراتسياسىنىڭ نەگىزىن قالاۋشى مامماد كاريم, قىتاي حالىق رەسپۋبليكاسىنداعى «سكولكوۆو» يننوۆاتسيالىق ورتالىعىنىڭ وكىلى ەۆگەني كوسولاپوۆ, قىتاي حالىق رەسپۋبليكاسىنداعى سەرىكتەس. ينۆەستورلار ءۇشىن «Angel Labs» اكسەلەراتورى تۋگچە ەرگۋل جانە «Techstars» اكسەلەراتورىنىڭ ايماقتىق مەنەدجەرى انۋراگ مالۋ قاتىستى.
«يننوۆاتسيانىڭ شەگى, شەكتەۋلەرى جوق. ءبىز بىرگە جۇمىس ىستەگىمىز, بىلىممەن ءبولىسىپ, ستارتاپتارعا ماقساتتارعا جەتۋگە كومەكتەسكىمىز كەلەدى. ەشكىم تولىققاندى ەكوجۇيەنى دەربەس جاساي المايدى. مەن جۇمىس ىستەپ ۇلگەرگەن ەڭ ۇزدىك ستارتاپتار دا جاقسى كوماندا مەن رەسۋرستارسىز ەشقاشان دامىماعان. بىزدە ءارتۇرلى دامۋ دەڭگەيى بار, بىراق بۇل جامان ەمەس. مىسالى, گرۋزيادان ءبىزدىڭ نارىققا كەلەتىن دامىعان نارىق ويىنشىلارىن ەلەستەتۋ كەرەك. ولار ءبىزدىڭ نارىقتا وتە تابىستى جۇمىس ىستەي الادى. ويتكەنى مۇندا ۇلكەن باسەكەلەستىك جوق. ولار وسىندا كەلىپ, ستارتاپتار اشىپ, وقيتىن جەرگىلىكتى تۇرعىنداردى جالدايدى. بۇل ءوز ستارتاپتارىن قۇرۋعا كومەكتەسەدى» دەدى Astana Hub IT-ستارتاپتار حالىقارالىق تەحنوپاركىنىڭ باس ديرەكتورى دجوزەف تسيگلەر.
«Digital Bridge» الاڭىندا Next Tech Entrepreneur Forum ستراتەگيالىق سەكتسياسى ءوتتى. سەكتسيا شەڭبەرىندە «بولاشاق ءبىلىم بەرۋ: تەحنولوگيالار ءبىلىم بەرۋ جۇيەسىن قالاي وزگەرتەدى؟», «ورتالىق ازياداعى كورپوراتيۆتىك يننوۆاتسيالار», «كاسىپكەر ايەلدەر بيزنەسىندەگى تابىس قۇپيالارى», «ۆەنچۋرلىك ينۆەستيتسيالار: ستارتاپتى قالاي تابىستى ەتىپ جاساۋعا بولادى؟» جانە باسقا دا تاقىرىپتار تالقىلاندى. «تسيفرلى ەكونوميكا ءۇشىن كادرلار» سەسسياسى اياسىندا IT-تەحنولوگيالار مەن ءبىلىم بەرۋ سالاسىنىڭ ساراپشىلارى جاڭا بۋىندى دايىنداۋعا, ءبىلىمدى وزگەرتۋگە جانە كاسىپتەر الەمىن جاساندى ينتەللەكت ارقىلى وزگەرتۋگە بولاتىنىن اڭگىمە ارقاۋىنا اينالدىردى.
«ماشينالاردى باسقارۋ جاڭا مۇمكىندىكتەرگە اكەلەدى. 10 جىل بۇرىن ءبىز ماشينالارمەن قالاي جۇمىس ىستەۋ كەرەكتىگى تۋرالى بىلىمگە كوڭىل اۋداردىق. بۇگىندە جاساندى ينتەللەكت ادامنىڭ قىزمەتىن الماستىردى. بىراق بىزگە ادامدار قاجەت, بىزگە وسى وزگەرىستەردى باسقاراتىن كوشباسشىلار قاجەت», دەدى 01 Edu System نەگىزىن قالاۋشى نيكوليا ساديراك.
«بولاشاقتىڭ ءبىلىمى: تەحنولوگيالار ءبىلىم بەرۋ جۇيەسىن قالاي وزگەرتەدى؟» سەسسياسىنداعى پىكىر الماسۋ كەزىندە Future Laboratory باس ديرەكتورى يراكلي كاشيبادزە ءوز كومپانياسىنىڭ ءبىلىم بەرۋمەن جانە يننوۆاتسيامەن اينالىساتىنىن جەتكىزدى. ول زەرتتەۋلەر ناتيجەسىندە تەك گرۋزيادا عانا ەمەس, سونىمەن قاتار الەمدە ادام ءبىلىم الۋ مەن ونى قالىپتاستىرۋ پروتسەسىن قايتا ويلاۋ كەرەك دەگەن قورىتىندىعا كەلگەندەرىن ايتادى. ي.كاشيبادزەنىڭ ايتۋىنشا, ادامنىڭ نەيروپلاستيكالىق ميى بار. بۇل بۇرىننان كەلە جاتقان ميف. ياعني ادام ءبارىن وقي الادى. وسى ورايدا ول ءوز كاسىپورنىنىڭ بولاشاقتىڭ ماسەلەلەرىن زەرتتەيتىنىنە قۋاناتىنىن اتاپ ءوتتى.
فورۋم اياسىندا IT-قاۋىمداستىعى مەن تسيفرلاندىرۋ جونىندەگى بەس ۆيتسە-مينيستر, اتاپ ايتقاندا, دەنساۋلىق ساقتاۋ ۆيتسە-ءمينيسترى ولجاس ابىشەۆ, ءبىلىم جانە عىلىم ۆيتسە-ءمينيسترى رۇستەم بيعاري, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ, قارجى ۆيتسە-ءمينيسترى رۋسلان ەڭسەباەۆ, تسيفرلىق دامۋ, يننوۆاتسيا جانە اەروعارىش ونەركاسىبى ۆيتسە-ءمينيسترى ابىلايحان وسپانوۆ Iت قوعامداستىق وكىلدەرىمەن اشىق اڭگىمەلەستى.
5 CDO Open Talks سەسسياسى Astana Hub IT-ستارتاپتار حالىقارالىق تەحنوپاركىندە ءوتتى. CDO نەمەسە Chief Digital Officer دەگەنىمىز – تسيفرلى ترانسفورماتسياعا جاۋاپ بەرەتىن مەنەدجەرلەر. ۆيتسە-مينيسترلەر سەسسيا كەزىندە ءىت-قوعامداستىق وكىلدەرىمەن بىرلەسىپ, تسيفرلى جوبالاردى ىسكە اسىرۋداعى مەملەكەتتىك ورگانداردىڭ ءىت-نارىقپەن ىنتىماقتاستىعىن تالقىلادى. سونىمەن قاتار «تسيفرلى قازاقستان» مەملەكەتتىك باعدارلاماسىنىڭ اعىمداعى جوبالارىن ىسكە اسىرۋدىڭ قيىندىعى مەن ءىت-نارىقتىڭ مەملەكەتكە كومەگىن ورتاعا سالدى.
«بۇگىندە قازاقستاندا 5 مىڭعا جۋىق IT-كومپانيا تىركەلگەن جانە جۇمىس ىستەيدى. بۇل كومپانيالار ورىندايتىن ءوندىرىس كولەمى بۇگىندە 700 ملرد تەڭگەنى قۇرايدى. IT-نارىقتا جۇمىسپەن قامتۋ 43 مىڭعا جۋىق ماماندى قۇرايدى. بۇل سان جىل سايىن ءوسىپ كەلەدى. IT-نارىققا ينۆەستيتسيا 31 ملرد تەڭگەنى قۇرادى. بۇل رەتتە Astana Hub-پەن بىرگە جۇمىس ىستەيتىن كومپانيالار سالىقتىق پرەفەرەنتسيالار الادى», دەدى ابىلايحان وسپانوۆ.
«Digital Bridge» اياسىندا بيىل سەرىكتەس رەتىندە «قازاقتەلەكوم» اق قولداۋىمەن Boost Esports Academy اكادەمياسى كيبەرسپورت بويىنشا جارىس وتكىزدى. Counter-Strike: Global Offensive بويىنشا ءتۋرنيردىڭ جەڭىمپازى 100pingGOD’s كومانداسى بولدى. ءتۋرنيردىڭ جۇلدە قورى 300 مىڭ تەڭگەنى قۇرادى. سونىمەن قاتار فورۋم اياسىندا جىل سايىنعى Astana Hub Awards سىيلىعى بەرىلدى. جەڭىمپازدارعا سىيلىقتى تسيفرلىق دامۋ, يننوۆاتسيا جانە اەروعارىش ونەركاسىبى ءمينيسترى اسقار جۇماعاليەۆ تاپسىردى. بۇل سىيلىقتىڭ باستى ماقساتى – ستارتاپتاردىڭ تابىستى كاسىپكەرلىك باستامالارىن ىنتالاندىرۋ, يننوۆاتسيالاردى دامىتۋعا جانە قولداۋ ينفراقۇرىلىمىن نىعايتۋعا جاردەمدەسۋ, سونداي-اق قازاقستاندا IT-كاسىپكەرلىكتى دامىتۋعا قولداۋ كورسەتۋ. بيىل Antidolg.kz – «جىلدىڭ اشىلىمى», Biometric» – «جىلدىڭ IT-ستارتاپى», راميل مۋحورياپوۆ «جىلدىڭ IT-كاسىپكەرى» اتالىمى بويىنشا ماراپاتتالدى. سونداي-اق Astana Hub Battle تەحنولوگيالىق ستارتاپتارىنىڭ جارىسى ءوتتى. الدىن الا وتىنىمدەردى ىرىكتەۋدەن كەيىن ساحنادا ونەر كورسەتۋ قۇقىعىن 90 كوماندا السا, ولاردىڭ 10-ى جارتىلاي فينالعا ءوتتى. ۇزدىك وندىقتان قازىلار القاسى ءۇش جەڭىمپازدى تاڭدادى. فينالدا ءسوز سويلەۋدىڭ قورىتىندىسى بويىنشا Astana Hub Battle جەڭىمپازدارى بەلگىلى بولدى. ونىڭ ىشىندە ءبىرىنشى ورىن – Kid Security – GPS ترەكينگ بويىنشا قوسىمشاسىنا بەرىلدى, بۇل بالانىڭ ۇيالى تەلەفون ارقىلى ورنالاسقان جەرىن قاداعالاۋعا مۇمكىندىك بەرەدى; ەكىنشى ورىن – Abscrypt – كيبەرقاۋىپسىزدىك بويىنشا باعدارلامالىق قامتاماسىز ەتۋ; ءۇشىنشى ورىن – Antidolg.kz-ونلاين-قارىزدار بويىنشا قارىزدارى بار حالىققا كومەك كورسەتۋدى ۇيىمداستىرۋعا ماماندانعان زاڭ قىزمەتىن كورسەتۋگە باعىتتالعان.
فورۋم تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ۇيىمداستىرۋى بويىنشا «زەردە «ۇلتتىق ينفوكوممۋنيكاتسيالىق حولدينگى» اق, Astana Hub IT-ستارتاپتار حالىقارالىق تەحنوپاركىنىڭ قاتىسۋىمەن جانە «قازاقتەلەكوم» اق, «حۋاۆەي تەكنولودجيز قازاقستان», «مايكروسوفت قازاقستان» كومپانيالارىنىڭ قولداۋىمەن ءوتتى.
