ايماقتار • 02 قاراشا، 2019

ا.ەسىموۆ پەن ب.ساعىنتاەۆ ىنتىماقتاستىق مەموراندۋمىنا قول قويدى

216 رەتكورسەتىلدى

الماتىدا «سامۇرىق-قازىنا» ۇاق» اق باسقارما توراعاسى احمەتجان ەسىموۆ پەن وڭتۇستىك استانانىڭ اكىمى باقىتجان ساعىنتاەۆ قالانىڭ دامىتۋ ماسەلەلەرى بويىنشا كەزدەستى.

 

«سامۇرىق-قازىنا» ۇاق اق مەن وڭتۇستىك استانا اكىمدىگى ەنەرگەتيكالىق، اقپاراتتىق-كوممۋنيكاتسيالىق، الەۋمەتتىك سالالارداعى جوبالاردى ىسكە اسىرۋ جونىندەگى ىنتىماقتاستىق تۋرالى مەموراندۋمعا قول قويدى.

مەموراندۋم ەنەرگەتيكا كەشەنىن، ەلەكتروندىق ساۋدا مەن پوشتا جەلىسىن، اقپاراتتىق-كوممۋنيكاتسيالىق ينفراقۇرىلىمدى، يمپورت الماستىرۋدى جانە جەرگىلىكتى قامتۋدى دامىتۋ، سونداي-اق الماتى كاسىپكەرلەرىنە قور توبىنىڭ ساتىپ الۋلارىنا قاتىسۋ سياقتى باعىتتاردى قامتيدى.

قور باسشىسى يمپورت الماستىرۋدى جانە جەرگىلىكتى قامتۋدى دامىتۋ ماقساتىندا قور الماتى قالاسىندا جاڭا وندىرىستەر قۇرۋ بويىنشا جوبالاردى ىرىكتەۋدى جۇزگىزەتىنىن اتاپ ءوتتى.

ء«بىز قازاقستاندا وندىرىلمەيتىن تاۋارلارعا زەرتتەۋ جۇرگىزەمىز جانە ەگەر ينۆەستور ءوندىرىستى ىسكە قوسسا، ءبىز ساتىپ الۋدى قامتاماسىز ەتەمىز. قور وسىنداي جوبالاردى قولداۋدى وففتەيك كەلىسىم-شارتتارعا قول قويۋ ارقىلى جۇزەگە اسىردى، ياعني بۇل الدىن الا تولەم جاساۋ جانە ۇزاق مەرزىمدى تاپسىرىستار مەحانيزمى ارقىلى جۇرگىزىلەدى»،- دەدى قوردىڭ باسقارما توراعاسى احمەتجان ەسىموۆ.

الماتىدا ۇيالى بايلانىس قىزمەتىنىڭ ساپاسىن جاقسارتۋ شەڭبەرىندە قور 2019-2020 جىلدارى 2G/3G ستاندارتىنىڭ 37 بازالىق ستانتسياسىن، 4G ستاندارتىنىڭ 26 بازالىق ستانتسياسىن جانە 2021 جىلعا قاراي 5G ستاندارتىنىڭ پيلوتىن ىسكە قوسۋدى قامتاماسىز ەتۋگە نيەتتى.

الماتىداعى قوعامدىق كولىكتەردەگى قولما-قول اقشاسىز تولەم ۇلەسى 98% .

 قالا ىشىندەگى جۇيەلەردى اۆتوماتتاندىرۋ جەدەل جاردەم كولىكتەرىنىڭ كەلۋ ۋاقىتىن ورتاشا 11-12 مينۋتقا جانە ءورت ءسوندىرۋ ماشينالارىنىڭ كەلۋىن 8 مينۋتقا دەيىن قىسقارتۋعا مۇمكىندىك بەرگەن. قازىر قالا توتەنشە جاعدايلار تۋرالى حابارلاندىرۋ جۇيەسىمەن 100% قامتىلعان. سونىمەن قاتار تۇرعىندارعا ءتيىستى حابارلامالار بىرنەشە مينۋت ىشىندە كەلەدى.

الماتى  ءومىر ءسۇرۋ جايلىلىعى مەن جۇمىس تيىمدىلىگىن ارتتىرۋعا مۇمكىندىك بەرەتىن جۇيەلەرمەن جابدىقتالۋدا. «اقىلدى قالا» كومپونەنتتەرىن ءتيىمدى ىسكە اسىرۋ، ازاماتتارمەن جۇرگىزىلىپ جاتقان ديالوگتار قالالىق ينفراقۇرىلىم مەن ەكوجۇيەنىڭ ودان ءارى دامۋىنا ىقپال ەتەدى.

بۇگىندە مەگاپوليستە 185 مىڭ شوب سۋبەكتىسى بار. حالىقتىڭ ۇشتەن ءبىرى كاسىپكەرلىكپەن اينالىسادى.  قالا بيۋدجەتىنىڭ 60 پايىزى شوب-تەن تۇسەتىن تۇسىمدەر ەسەبىنەن قالىپتاسادى. ياعني قالانىڭ الەۋمەتتىك قولداۋىنىڭ ەكونوميكالىق بازاسىن شوب قۇرايدى. دەمەك، شاعىن جانە ورتا بيزنەس كوپ بولعان سايىن قالا بيۋدجەتىنە تۇسەتىن تۇسىمدەر دە سوعۇرلىم كوپ بولماق. بۇل رەتتە اتالعان سالانىڭ ماڭىزدىلىعىن ەسكەرگەن قالا اكىمدىگى شوب-تى بارىنشا اۋقىمدى دامىتۋدىڭ بىرقاتار شارالارىن جۇزەگە اسىرۋدا. سونىڭ ىشىندە  «الماتى – 2020» باعدارلاماسىنىڭ نەگىزگى باسىمدىقتارىنىڭ ءبىرى بولىپ «بيزنەس پەن جەكە كاپيتالعا ارنالعان قالا» سانالادى. 

«مەموراندۋم قالانىڭ بيزنەس-قوعامداستىعىنىڭ قور كومپانيالارىمەن ىنتىماقتاستىعىن نىعايتۋ بويىنشا ناقتى شارالاردى قامتيدى. ءبىزدىڭ كاسىپكەرلەر «سامۇرىق-قازىنا» ۇاق قاجەتتىلىكتەرى ءۇشىن جوعارى ساپالى ءونىم جەتكىزۋگە دايىن. ارينە، بايلانىستاردىڭ نىعايۋى الماتى ەكونوميكاسىنىڭ دامۋىنا جانە الماتىلىقتاردىڭ ءومىر ءسۇرۋ ساپاسىن ارتتىرۋعا ۇلكەن قولداۋ كورسەتەدى»، - دەپ اتاپ ءوتتى الماتى قالاسىنىڭ اكىمى باقىتجان ساعىنتاەۆ.

قۇجات سونداي-اق جىلۋمەن جانە ەلەكترمەن قامتاماسىز ەتۋ جۇيەلەرىن پەرسپەكتيۆالى دامىتۋدىڭ بىرىڭعاي تەحنيكالىق ساياساتىن انىقتاۋدى، شوب-تى دامىتۋعا جانە دارىندى جاستاردى جۇمىسپەن قامتۋعا جانە قولداۋعا جاردەمدەسۋدى، ۇتقىر بايلانىس قىزمەتتەرىنىڭ ساپاسىن جاقسارتۋدى جانە ينتەرنەت جەلىسىنە ساپاسى جوعارى جىلدامدىققا قولجەتىمدىلىكتى قامتاماسىز ەتۋدى كوزدەيدى.

سونىمەن قاتار، تاراپتار تابيعي گازدى موتورلى وتىن رەتىندە پايدالانۋدى كەڭەيتۋدە، الەۋمەتتىك سالا ماسەلەلەرىن شەشۋدە، الماتى قالاسىن «اقىلدى قالا» رەتىندە دامىتۋ جونىندەگى شارالاردى قولدانۋدا، سونداي-اق  تكش اۆتوماتتاندىرۋدا جانە قالا قاۋىپسىزدىگىنىڭ مونيتورينگىن قامتاماسىز ەتۋدە ىنتىماقتاساتىن بولادى.

مەموراندۋمعا سايكەس الەۋمەتتىك سالا ماسەلەلەرىن شەشۋدە الەۋمەتتىك جەتىمدىكتىڭ الدىن الۋ، ءاۋتيزمدى ءدارى-دارمەكسىز تۇزەتۋ، بالالاردى وتباسىنا ورنالاستىرۋعا زاڭدى تۇردە قولداۋ كورسەتۋ، سپورت پەن سالاۋاتتى ءومىر سالتىن ناسيحاتتاۋ، تۇزەتۋ مەكتەپتەرى مەن بالاباقشالارىن، پاللياتيۆتىك كومەك اۋرۋحانالارىن، تۋبەركۋلەزگە قارسى ديسپانسەرلەردى ماتەريالدىق-تەحنيكالىق جاراقتاندىرۋ باعىتتارى بويىنشا ماسەلەلەرى شەشىلەتىن بولادى.



الماتى

سوڭعى جاڭالىقتار

كۇلكى كەرۋەنى № 20

رۋحانيات • بۇگىن، 12:38

تاۋلىگىنە 15-16 توننا ءسۇت الىنادى

ايماقتار • بۇگىن، 09:20

ءحالىڭ قالاي، قوستاناي؟

ايماقتار • بۇگىن، 08:34

سۋبسيديانىڭ جاڭا تالاپتارى

ەكونوميكا • بۇگىن، 08:29

«يوكەريتتەن» جەڭىلدى

حوككەي • بۇگىن، 08:15

قازاقستان ءتورتىنشى توپتا

فۋتبول • بۇگىن، 08:13

پەداگوگتەرگە پايدالى شارا

رۋحانيات • بۇگىن، 08:09

ادالدىق ەشكىمدى الدامايدى

قوعام • بۇگىن، 08:06

مەشىتتى سالعانىمەن، قارامايدى

ايماقتار • بۇگىن، 07:57

قولداۋ جۇمىستارى جالعاسادى

قوعام • بۇگىن، 07:54

ونلاين-وقىرمان

تەحنولوگيا • بۇگىن، 07:52

«باستاۋ»: جاڭا بۋىن كينوسى

كينو • بۇگىن، 07:51

سۋ باسۋ قاۋپى جوق

قوعام • بۇگىن، 07:40

باسپانالى بولىپ، باقىتقا بولەندى

باعدارلامالار • بۇگىن، 07:32

ءابىشتانۋدىڭ ءاز ءالىپبيى

رۋحانيات • بۇگىن، 07:20

اجىراماس دۇنيەنىڭ ادامى...

رۋحانيات • بۇگىن، 07:17

ۇقساس جاڭالىقتار