ەكى ساعات شاماسىنا سوزىلعان كەزدەسۋدە ءىت-سالاسىن دامىتۋعا قاتىستى ماسەلەلەر مەن ۇسىنىستار, مەگاپوليس ەكونوميكاسىندا ونىڭ ۇلەسىن ارتتىرۋ تۋرالى ءسوز بولدى.
ەلەكتروندى كوممەرتسيامەن, ونلاين-سەرۆيسپەن, ريتەيلمەن, لوگيستيكامەن, فينتەحپەن, كولىك موبيلدىلىگىمەن, ءبىلىم جانە ينۆەستيتسيامەن اينالىساتىن تسيفرلىق كومپانيالار وكىلدەرى وسى سالانىڭ ەكوجۇيەسىن ودان ءارى قالىپتاستىرۋداعى ءوز ويلارىن ايتتى.
باستى ماسەلەنىڭ ءبىرى – كادرلاردىڭ جەتىسپەۋشىلىك. ۆيدەوباقىلاۋ جۇيەسىن جاساۋشى قايرات احمەتوۆ بۇل ماسەلەنى شەشۋ ءۇشىن «الاتاۋ» پيت اەا ستۋدەنتتەردىڭ كامپۋسىن اشۋدى, فينتەح-مامان رۋسلان وماروۆ جوو-دا ستۋدەنتتىك زەرتحانالاردى اشۋدى ۇسىنسا, ال جامبىل رەۆشانوۆتىڭ كومپانياسى الماتىدا حالىقارالىق ءىت- مەكتەبىن اشۋدى نيەت ەتۋدە.
كەزدەسۋگە قاتىسۋشىلاردىڭ بارلىعى سالانى ءتيىمدى رەتتەۋ, قولداۋدىڭ تۇسىنىكتى ەرەجەسىن جاساۋ جانە تسيفرلاندىرۋدا جەكە بيزنەستى دامىتۋ تۋرالى ايتتى. بۇلارعا ءىت-كەڭەستى قۇرۋ كومەكتەسەتىن بولادى, ول تۋرالى ۇسىنىستى قازاقستاندىق ينتەرنەت-بيزنەس قوعامداستىعىنىڭ پرەزيدەنتى كونستانتين گوروجانكين ايتتى.
- ءسىزدىڭ كەلۋىڭىزبەن ءبىزدىڭ سالا ءۇشىن جاقسى ەكوجۇيە قالىپتاستىرۋدىڭ جاقسى مۇمكىندىگى تۋدى. كەڭەس ارقىلى ءبىز ساراپشىلار رەتىندە قالاعا قاجەت جوبالاردى انىقتاۋعا كومەكتەسەتىن بولامىز, - دەدى, سونىمەن قاتار ول ءىت- قوعامداستىقتىڭ وڭ وزگەرىستەر بولاتىنىنا سەنىمدى ەكەنىن, ويتكەنى ب.ساعىنتاەۆتىڭ ەلىمىزدىڭ پرەمەر-ءمينيسترى بولعان كەزدە «تسيفرلى قازاقستان» باعدارلاماسىن جۇزەگە اسىرعانىن اتاپ ءوتتى.
ءىت-قوعامداستىقتىڭ بارلىق وكىلدەرىن تىڭداعان الماتى اكىمى اقپاراتتىق تەحنولوگيا سالاسىندا ىسكەرلىك كەڭەسكە بالاما رەتىندە ارنايى كەڭەس قۇرۋ جونىندەگى ۇسىنىستى قولدادى.
- جاقىندا وتكەن كەڭەستە پرەزيدەنت ق.توقاەۆ مەگاپوليستىڭ بارلىق سالاسىنىڭ تىنىس-تىرشىلىگىن تسيفرلاندىرۋ بويىنشا جۇمىستى جانداندىرۋدى تاپسىرعان بولاتىن. سوندىقتان بىزگە سىزدەردىڭ كومەكتەرىڭىز ماڭىزدى. قۇرىلاتىن ءىت-كەڭەس اياسىندا اي سايىن ءبىر رەت كەزدەسەمىز, ناقتىلى ماسەلەلەردى قويامىز جانە ولاردىڭ شەشىمدەرىن تاباتىن بولامىز. ەڭ باستىسى, كەڭەس ءىت–سالانى دامىتۋ ءۇشىن جايلى جاعدايلار جاساۋدىڭ ءتيىمدى الاڭى بولۋى ءتيىس, - دەگەن ب. ساعىنتاەۆ, بارلىق قاجەتتى شەشىمدەردى سالا ساراپشىلارىنىڭ قابىلدايتىنىن اتاپ ءوتتى.
اكىمدىك ينفراقۇرىلىمدى قۇرۋعا, بارلىق مۇددەلى تاراپتاردىڭ ىس–قيمىلىن ۇيلەستىرۋگە كومەكتەسەتىن بولادى. قالا ەكونوميكاسىنىڭ قۇرىلىمىندا سالا ۇلەسىنىڭ بارىنشا ماڭىزدى بولۋى مىندەتى تۇر.
ب. ساعىنتاەۆتىڭ پىكىرىنشە, الماتى وسى سالادا الەمدەگى ەڭ يننوۆاتسيالى جانە ىلگەرى جىلجىعان قالالاردىڭ ءبىرى بولۋى ءتيىس. ول ءۇشىن بارلىق مۇمكىندىكتەر, ەڭ باستىسى - باي ادامي كاپيتال بار. عىلىمي-زەرتتەۋ ورتالىقتارى مەن جوو-نىڭ الەۋەتىن پايدالانۋ قاجەت.
الماتى
