سپورت • 01 قاراشا، 2019

شايبالى حوككەي: «بارىس» تاعى دا ۇتىلدى

41 رەتكورسەتىلدى

قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» قاتارىنان ءتورتىنشى كەزدەسۋدە جەڭىلىستىڭ كەرمەك ءدامىن تاتتى.

 

بۇل جولى جەرلەستەرمىز نۇر-سۇلتاندا ەكاتەرينبۋرگتىڭ «اۆتوموبيليست» كلۋبىن قابىلادى. كەزدەسۋدىڭ 7-مينۋتىندا دجەفف پلاتت قوناقتاردى العا شىعاردى. 26-مينۋتتا ەگور شالاپوۆ ەسەپتى تەڭەستىردى. 39-مينۋتتا برۋكس مەيسەك مەرگەندىك تانىتتى.

ءۇشىنشى كەزەڭ باستالعان بەتتە «بارىستىڭ» ويىنشىسى اركادي شەستاكوۆ ەسەپتى تەڭەستىردى. 2:2 50-مينۋتتا «اۆتوموبيليست» قايتا العا شىقتى. بۇل گولدىڭ اۆتورى – پاۆەل داتسيۋك. 55-مينۋتتا ءبىزدىڭ كوماندانىڭ كاپيتانى داررەن ديتس گول سوقتى. وسىلايشا، قوناقتاردىڭ ءۇش رەت العا شىققانىنا قاراماستان، جەرلەستەرىمىز قارىمتا قايتاردى.

الايدا وۆەرتايمدا ەكاتەرينبۋرگتەن كەلگەن حوككەيشىلەردىڭ باعى جاندى. كەزىندە «بارىستىڭ» ساپىندا ويناعان نايدجەل دوۋس جەڭىس گولىن سوقتى. ناتيجەسىندە «بارىس» ءوز ايدىنىندا 3:4 ەسەبىمەن جەڭىلىس تاپتى.        

قازىرگى كەزدە «بارىس» تۇراقتى بىرىنشىلىكتىڭ جارىس كەستەسىندە جەتىنشى ورىندى قاناعات تۇتۋدا. وسى كۇنگە دەيىن 23 كەزدەسۋ وتكىزگەن ولاردىڭ ەنشىسىندە 30 ۇپاي بار. كەلەسى ويىندا جەرلەستەرىمىز ەرتەڭ نۇر-سۇلتاندا ماسكەۋدىڭ تسسكا كلۋبىنا قارسى وتكىزەدى. 

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

اپتا ۇزدىگى اتاندى

حوككەي • كەشە

ۇقساس جاڭالىقتار