- ءمامس جۇيەسىن ەنگىزۋ شارالارىن قوسا العاندا, دەنساۋلىق ساقتاۋ سالاسىنىڭ بيۋدجەت كولەمى 2020 جىلى ەل بويىنشا 1 561,4 ملرد تەڭگەنى قۇرايدى, ونىڭ 573 ملرد تەڭگەسى – ءمامس اۋدارىمدارى. قارجىلاندىرۋدىڭ جالپى كولەمى 2019 جىلعى دەڭگەيدەن 52%-عا ارتادى. ماڭعىستاۋ وبلىسى بويىنشا 2020 جىلى 39,5 ملرد تەڭگە كولەمىندە قارجىلاندىرۋ جوسپارلانۋدا, بۇل 2019 جىلعى بيۋدجەتپەن سالىستىرعاندا 1,4 ەسە جوعارى. سونداي-اق تمككك اياسىندا – 26,6 ملرد تەڭگە, ءمامس اياسىندا – 12,9 ملرد تەڭگە, دەدى ە.ءبايجۇنىسوۆ.
ءمامس جۇيەسى شەڭبەرىندە حالىقتى مەديتسينالىق كومەكپەن قامتۋ دەڭگەيى جالپى ەل بويىنشا 95% -دان اسادى دەپ بولجانۋدا ء(مامس جۇيەسىن ەنگىزۋ ءۇشىن ۇسىنىلعان شەكتى دەڭگەي كەمىندە 80%-دى قۇرايدى).
ماڭعىستاۋ وبلىسى بويىنشا بۇل قامتۋ 93% - دى قۇرايدى جانە وبلىس حالقىنىڭ 7% -ى نەمەسە 50 مىڭعا جۋىق ادام «شارتتى تۇردە ساقتاندىرىلماعان» بولىپ ەسەپتەلەدى, ولار بويىنشا مارتەبەنى وزەكتەندىرۋ بويىنشا جۇمىستار جالعاسۋدا.
الەۋەتتى جەتكىزۋشىلەردىڭ مالىمەتتەر بازاسىندا وبلىس بويىنشا 80 دەنساۋلىق ساقتاۋ سۋبەكتىسى تىركەلگەن. ماڭعىستاۋ وبلىسىنىڭ «مسق» كەاق فيليالى تمككك شەڭبەرىندە 2019 جىلعا 51 ءونىم بەرۋشىمەن شارت جاسادى, ونىڭ ىشىندە مەملەكەتتىك - 26 (51%), جەكە - 25 (49%) ۇيىم بار.
دەنساۋلىق ساقتاۋ مينيسترلىگى بۇكىل ەل بويىنشا مەديتسينالىق كومەكتىڭ جاڭا پاكەتتەرىن – تمككك جانە ءمامس ەنگىزۋگە بايلانىستى مەديتسينالىق كومەكتى ۇيىمداستىرۋدا وزگەرىستەر بولىگىندە مەديتسينا قىزمەتكەرلەرىنىڭ قۇزىرەتىن ارتتىرۋ ماقساتىندا وقىتۋ سەمينارلارىن وتكىزۋدە. بۇل ءۇشىن مىندەتتى الەۋمەتتىك مەديتسينالىق ساقتاندىرۋدىڭ ء(مامس) جۇمىس ىستەۋى جاعدايىندا مەديتسينالىق قىزمەتتەر مەن بيزنەس-پروتسەستەردىڭ تىزبەسىن ءبولۋ بويىنشا وقىتۋ ماتەريالدارى ازىرلەندى.
اقتاۋ قالاسىندا سەمينارعا جالپى تاجىريبە دارىگەرلەرى, دەنساۋلىق ساقتاۋ مەنەدجەرلەرى جانە ورتا مەديتسينالىق قىزمەتكەرلەر قاتارىنان 100-گە جۋىق مەديتسينالىق ۇيىمداردىڭ قىزمەتكەرلەرى قاتىستى. دەنساۋلىق ساقتاۋ مينيسترلىگى ماڭعىستاۋ وبلىسىندا ءمامس جۇيەسى بويىنشا وقىتۋ سەمينارلارىن جالعاستىرادى.
پرەزيدەنت 2019 جىلدىڭ 2 قىركۇيەگىندە جولداعان قازاقستان حالقىنا جولداۋىندا, 2020 جىلدىڭ 1 قاڭتارىنان باستاپ قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى ء(مامس) ىسكە قوسىلاتىنىن ايتىپ, ۇكىمەتكە ءمامس جۇيەسىن ەنگىزۋ ماسەلەسىنە جاۋاپكەرشىلىكپەن قاراپ, رەفورمادان كەمشىلىك كەتپەۋىن قاداعالاۋدى تاپسىرعان بولاتىن.
2015 جىلدان باستاپ دەنساۋلىق ساقتاۋ جۇيەسىن ءمامس-كە دايىنداۋ بويىنشا كونسترۋكتيۆتىك جانە جوسپارلى جۇمىستار جۇرگىزىلۋدە.
ماسەلەن, بۇگىنگى كۇنى بارلىق قاجەتتى نورماتيۆتىك-قۇقىقتىق بازا قابىلداندى. 2015 جىلى ءمامس جۇيەسىنىڭ نەگىزگى پرينتسيپتەرى مەن جۇمىس ىستەۋ ءتارتىبىن رەگلامەنتتەيتىن «مىندەتتى الەۋمەتتىك مەديتسينالىق ساقتاندىرۋ تۋرالى» قر زاڭى قابىلداندى. 2020 جىلدىڭ 1 قاڭتارىنان باستاپ مەديتسينالىق قامتاماسىز ەتۋ جۇيەسىن ەنگىزۋدى كوزدەيتىن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسىنە وزگەرىستەر مەن تولىقتىرۋلار ەنگىزىلدى.
