جاسوسپىرىمدەر قىلمىسىنىڭ الدىن الۋ ماقساتىندا, جەدەل-پروفيلاكتيكالىق ءىس-شارالاردى وتكىزۋمەن قاتار, پوليتسيامەن ءبىلىم جانە دەنە شىنىقتىرۋ جانە سپورت باسقارماسىمەن بىرلەسە وتىرىپ, جاسوسپىرىمدەردىڭ قاتىسۋىمەن, ونىڭ ىشىندە پاتريوتتىق سيپاتتاعى مادەني, سپورتتىق-بۇقارالىق جانە باسقا دا ءىس-شارالار ۇنەمى وتكىزىلىپ تۇرادى.
- تاجىريبە كورسەتىپ وتىرعانداي, اتا-انالاردىڭ كوپشىلىگى قازىر تابىس تابۋ ماقساتىندا ءار-ءتۇرلى قىزمەتتەرمەن اينالىسۋىنا بايلانىستى بالالار تاربيەسىنە كوڭىل اۋدارۋ نازاردان تىس قالدى. وسىنىڭ سالدارىنان جاسوسپىرىمدەر «كوشەنىڭ» ىقپالىنا ءتۇسىپ, قۇقىق بۇزۋشىلىق جاساۋدا, - دەگەن وبلىس پوليتسياسىنىڭ باسشىسى ق.تايمەردەنوۆ جەرگىلىكتى جەرلەردە جاسوسپىرىمدەردىڭ تاربيەسىنە ولاردىڭ تۇرعىلىقتى جەرى بويىنشا سپورت سەكتسيالارىنىڭ جاتتىقتىرۋشىلارىن تارتۋدى ۇسىندى.
بۇگىنگى كۇنى تاعى ءبىر وزەكتى جانە وتە ماڭىزدى ماسەلە - جاس بالالارعا قاتىستى پەدوفيلدەرمەن جاسالاتىن جىنىستىق زورلىق-زومبىلىق.
5 جىل ىشىندە وبلىستا 3 جاستان 13 جاسقا دەيىنگى جاس بالالارعا قاتىستى سەكسۋالدىق سيپاتتاعى 44 قىلمىس جاسالعان. بارلىق 44 قىلمىسكەر-پەدوفيل ۇستالىپ, ءارتۇرلى مەرزىمگە باس بوستاندىعىنان ايىرىلدى.
قانات دانيار ۇلى ەسەپ بەرۋ كەزەڭىندە وسى ساناتتاعى قىلمىستاردىڭ ازايۋىنا قاراماستان, مەكتەپكە دەيىنگى مەكەمەلەردە, سونداي-اق ورتا مەكتەپتەردىڭ باستاۋىش سىنىپتارىندا, ونىڭ ىشىندە جەكە بالاباقشالار مەن مەكتەپتەردە بالالار پسيحولوگتارىنىڭ قاتىسۋىمەن كوشەلەردە جانە قوعامدىق ورىنداردا بوتەن ادامدارمەن سويلەسپەۋ كەرەكتىگىن ءتۇسىندىرۋ تۋرالى ساباقتار وتكىزۋدى ۇيىمداستىرۋ قاجەت دەپ سانايتىندىعىن كورسەتىپ ءوتتى.
