وتىرىس جۇمىسىنا ماڭعىستاۋ وبلىسى اكىمىنىڭ ورىنباسارى قانىبەك جۇماشەۆ, «الەۋمەتتىك ساقتاندىرۋ مەديتسينالىق قورى» كەاق باسقارما توراعاسىنىڭ ورىنباسارى ەريك ءبايجۇنىسوۆ, اۋدان جانە قالا اكىمدەرىنىڭ ورىنباسارلارى, ماڭعىستاۋ وبلىستىق دەنساۋلىق ساقتاۋ باسقارماسىنا قاراستى مەكەمە باسشىلارى قاتىستى.
وتىرىستا العاشقى بولىپ ءسوز العان وبلىس اكىمىنىڭ ورىنباسارى قانىبەك جۇماشەۆ, ەلىمىزدە مىندەتتى الەۋمەتتىك ساقتاندىرۋ جۇيەسىن ەنگىزىلۋىنە ەكى اي ۋاقىت قالعاندىعىن تىلگە تيەك ەتتى. سول سەبەپتى مەديتسينا سالاسىنىڭ وكىلدەرى باس قوسىپ, دايىندىقتى پىسىقتاپ الۋ قاجەتتىگى تۋىنداپ وتىر.
سودان كەيىن ءسوز العان «الەۋمەتتىك ساقتاندىرۋ مەديتسينالىق قورى» كەاق باسقارما توراعاسىنىڭ ورىنباسارى ەريك ءبايجۇنىسوۆ, تۇرعىندار اراسىندا اقپاراتتىق-ءتۇسىندىرۋ جۇمىستارىن ءالى دە بولسا كەڭىنەن جۇرگىزۋ قاجەتتىگىن العا تارتتى.
- ايماقتاردا قۇرىلعان شتاب جۇمىسىنىڭ نەگىزگى باسىم باعىتتارى ءاربىر تۇرعىندى قامتي وتىرىپ, تولىققاندى اقپاراتتىق-ءتۇسىندىرۋ جۇمىستارىن كەڭىنەن جۇرگىزۋ بولىپ تابىلادى. مەديتسينالىق ساقتاندىرۋدىڭ ءاربىر اسپەكتىسى كەڭىنەن تۇسىندىرىلسە عانا, بەلگىلى ءبىر ناتيجەگە قول جەكىزۋگە بولادى. سوندىقتان دا وسى جۇمىستاردى ءالى دە بولسا جانداندىرا ءتۇسۋ قاجەت, دەدى ول.
سونىمەن قاتار وڭىردەگى مەديتسينالىق مەكەمەلەردىڭ مىندەتتى الەۋمەتتىك ساقتاندىرۋ جۇيەسىن ەنگىزۋ دايىندىعى تۋرالى وبلىستىق دەنساۋلىق ساقتاۋ باسقارماسىنىڭ باسشىسى ءانۋار ساعىمباەۆ بايانداما جاسادى.
ونىڭ ايتۋىنشا, جۇرگىزىلىپ جاتقان رەفورمالاردى ساپالى جۇزەگە اسىرۋ ءۇشىن قالا مەن اۋدانداردا, اقپاراتتىق جۇمىس بەكىتىلگەن وڭىرلىك كوممۋنيكاتسيالارعا سايكەس جۇرگىزىلۋدە. تەگىن كەپىلدەندىرىلگەن مەديتسينالىق كومەك شەڭبەرىندە 51 مەديتسينالىق ۇيىمدارمەن, (ونىڭ ىشىندە 25 جەكەمەنشىك) 71 كەلىسىم شارت جاساقتالىپ, جالپى ونىمبەرۋشىلەر ىشىندە جەكەمەنشىك ونىمبەرۋشىلەردىڭ ۇلەسى 46,3%-دى قۇرادى. جەكەمەنشىك ونىمبەرۋشىلەردى قارجىلاندىرۋعا 2 795 000 ملن تەڭگە ءبولىنىپ وتىر.
مىندەتتى الەۋمەتتىك ساقتاندىرۋ جۇيەسىن ەنگىزۋ باعىتىندا جۇمىستار جالعاسىن تابادى. بارلىق مەملەكەتتىك ورگاندار, قالا جانە اۋداندىق اكىمدىكتەر ازاماتتاردى فورماليزاتسيالاۋ, مەديتسينالىق جانە الەۋمەتتىك ساقتاندىرۋ, زەينەتاقىمەن قامسىزداندىرۋدى جۇيەلەرىنە تارتۋ, ءوزىن-ءوزى جۇمىسپەن قامتىعان ادامدار سانىنا قوسۋ, جارنالاردىڭ ساقتاندىرۋ قورىنا ءتۇسۋىن جۇيەلەندىرۋگە باعىتتالعان شارالاردى ورىنداۋ تاپسىرىلدى.
