بيىل «ماڭعىستاۋمۇنايگاز» اكتسيونەرلىك قوعامى بولگەن 271 ملن تەڭگەگە قاراجات ەسەبىنەن جاڭاوزەن قالاسىنا باقىلاۋ جۇيەسى جەدەل باسقارۋ ورتالىعىنا شوعىرلاندىرىلعان 180 كامەرا ورناتىلدى.
2019 جىلدىڭ 1 قازانىمەن جەدەل باسقارۋ ورتالىعىنىڭ بەينەباقىلاۋ كامەرالارىنىڭ جالپى سانى – 485 كامەرا.
پوليتسيا دەپارتامەنتى باسشىلىعىنىڭ مالىمەتىنە سۇيەنسەك, اقتاۋ قالاسى پوليتسيا باسقارماسى جەدەل باسقارۋ ورتالىعىنىڭ قۇرالدارى سوڭعى رەت 2015 جىلى جاڭارتىلعان. ونىڭ ىشىندە – 30-دان استام مونيتورلار 2008 جىلى شىعارىلعان, كوبى جۇمىس جاسامايدى. 238 كامەرانىڭ 34-ءى انالوگتى, كۇندىزگى ۋاقىتتا ايقىن بەينەلەر بەرمەيدى, سونداي-اق قاراڭعى مەزگىلدەردە ەشتەڭە كورىنبەيدى. سونداي-اق اقتاۋ قالاسىنىڭ 30-35 شاعىن اۋداندارىنداعى نەگىزگى قيىلىستار مەن كوشەلەردە بەينەباقىلاۋ كامەرالارى مۇلدە جوق. جەدەل باسقارۋ ورتالىعىن جاڭعىرتۋ قاجەتتىلىگى بۇل ەسكى جابدىقتاردى اۋىستىرۋدى جانە بەينەباقىلاۋ جەلىسىن ودان ءارى كەڭەيتۋدى كوزدەيدى.
جىل باسىنان بەينەباقىلاۋ كامەرالارىنىڭ كومەگىمەن بارلىعى 175 قىلمىس اشىلىپ, 26 مىڭنان استام اكىمشىلىك قۇقىق بۇزۋشىلىق انىقتالدى.
