ايتۋىنشا, سوڭعى ۋاقىتتا ەسىرتكى بيزنەسىنە قارسى كۇرەس جونىندەگى بولىمشەلەردىڭ قىزمەتى ەسىرتكىنىڭ ءىرى مولشەرى مەن اۋىر تۇرلەرىن, ونىڭ ىشىندە سينتەتيكالىق تۇرلەرىن وتكىزۋشىلەردى انىقتاۋعا باعىتتالعان.
قىركۇيەك ايىندا اسا ءىرى مولشەردە ەسىرتكى تاسىمالداۋمەن اينالىسقان قازاقستان رەسپۋبليكاسىنىڭ 2 ازاماتشاسى ۇستالىپ, شارا بارىسىندا جەر استىنا جاسىرىلعان سالماعى 91 كيلوگرامم شىعاتىن 7 قاپ «ماريحۋانا» ەسىرتكى زاتى تابىلىپ, تاركىلەنگەن. جالپى جىل باسىنان بەرى 300-دەن استام ەسىرتكى قىلمىسى انىقتالعان بولسا, ونىڭ ىشىندە: 41 ساتۋ جانە 4-ەۋى اسا ءىرى مولشەردە ساقتاۋ فاكتىسى.
زاڭسىز اينالىمنان 196 كيلوگرامم ەسىرتكى زاتى تاركىلەندى.
اقتاۋ قالاسىندا جەزوكشەلىكپەن اينالىسۋعا ارنالعان پريتون ۇستاۋ جانە ۇيىمداستىرۋمەن ۇزاق ۋاقىت بويى اينالىسىپ كەلگەن ۇيىمداسقان قىلمىستىق توپتىڭ جولى كەسىلدى.
جەڭگەتايلىق ءۇشىن بارلىعى 13 قىلمىستىق ءىس قوزعالدى.
9 ايدا 7 ەسەپتە تۇرعان ۇيىمداسقان قىلمىستىق توپتىڭ 2 كوشباسشىسى جانە 5 قاتىسۋشىسى قىلمىستىق جاۋاپكەرشىلىككە تارتىلدى.
ويىن بيزنەسىن زاڭسىز ۇيىمداستىرۋدىڭ جولىن كەسۋمەن بايلانىستى بىرقاتار جۇمىستار جۇرگىزىلىپ, ناتيجەسىندە انىقتالعان 54 فاكتى بويىنشا قر قك 307-بابىمەن قىلمىستى ءىس قوزعالدى, بارلىق قىلمىستىق ىستەر وبلىستىق مەملكەتتىك كىرىستەر دەپارتامەنتىنە تەرگەۋ رەتتىلىگىمەن جولداندى.
-كريمينوگەندىك جاعدايعا كەرى اسەر ەتەتىن بۋكمەكەرلىك كەڭسەلەردىڭ قىزمەتىنە جەكە توقتالعىم كەلەدى. تالداۋ ناتيجەسى كورسەتكەندەي, 2 جىل ىشىندە وبلىستا بۋكمەكەرلىك كەڭسەلەردىڭ قىزمەتىنە بايلانىستى كوپتەگەن اكىمشىلىك قۇقىق بۇزۋشىلىقتاردى ەسەپتەمەگەندە 97 قىلمىس تىركەلگەن, ونىڭ ىشىندە: 6 قاراقشىلىق, 27 توناۋ, 36 بۇزاقىلىق جانە 22 ۇرلىق.
پروكۋراتۋرا جانە مەملەكەتتىك كىرىستەر دەپارتامەنتىمەن بىرلەسىپ جۇرگىزىلگەن ءىس-شارالار ناتيجەسىندە 2 جىل ىشىندە وبلىس اۋماعىندا 147 بۋكمەكەرلىك كەڭسەلەردىڭ قىزمەتى توقتاتىلدى, دەدى ق.تايمەردەنوۆ.
