- قازىرگى ۋاقىتتا ادامزاتتىڭ دامۋ ءۇردىسى ونەركاسىپتىك تاماقتانۋدىڭ ءرولى تەك قانا وسە تۇسەتىندەي بولىپ قالىپتاسادى. بۇل نۋتريتسيولوگيانىڭ الدىنا تاماقتانۋدى راتسيوناليزاتسيالاۋ, ونىڭ ءتۇرلى اۋرۋلاردىڭ الدىن الۋ مەن ەمدەۋدەگى تيىمدىلىگىن ارتتىرۋ بويىنشا ماڭىزدى مىندەت قويادى. دۇرىس تاماقتانباۋ ― سالماقتىڭ ارتىقشىلىعى مەن جەتىسپەۋشىلىگى سەكىلدى كەز كەلگەن جاستا ادام دەنساۋلىعىنا ەلەۋلى زيان كەلتىرۋى مۇمكىن. بۇل فيزيكالىق جانە اقىل-وي دامۋ دەڭگەيىنىڭ تومەندەۋىنەن, تەز شارشاعاندىعىنان, قورشاعان ورتانىڭ قولايسىز فاكتورلارىنىڭ اسەرىنە قارسىلىق كورسەتە الماۋىنان, جۇمىسقا قابىلەتتىلىكتىڭ تومەندەۋىنەن, ءتىپتى ەرتە قارتايۋدان جانە ءومىر ءسۇرۋ ۇزاقتىعىنىڭ قىسقارۋىنان بىلىنەدى, دەپ اتاپ ءوتتى مايگۇل قاينارباەۆا.
قازاق تاعامتانۋ اكادەمياسىنىڭ جەتەكشى مامانى ساۋدا ورتالىعىنىڭ كەلۋشىلەرىنە ارتىق سالماق پەن سەمىزدىكتىڭ, دۇرىس تاماقتانباۋ سەبەبىنەن تۋىندايتىن اسقازان-ىشەك جولدارىنىڭ اۋرۋلارىنىڭ الدىن الۋ تۋرالى كەڭەس بەردى.
- ماعان ارتىق سالماعى بار كوپتەگەن جاس قىزدار مەن جىگىتتەر جۇگىندى. بۇعان دەيىن تەك ەرەسەك ادامدار عانا ۇشىراعان اۋرۋلار جاسارىپ جاتقانى وكىنىشتى, - دەدى م.قاينارباەۆا.
ەستەرىڭىزگە سالا كەتەيىك, قازاق تاعامتانۋ اكادەمياسىنىڭ جەتەكشى مامانى «سالاۋاتتى ءومىر سالتىن قالىپتاستىرۋ ماماندارىنىڭ قاۋىمداستىعى» زتب مەن بىرلەسىپ ماڭعىستاۋ وبلىستىق دەنساۋلىق ساقتاۋ باسقارماسىنىڭ تاپسىرماسى بويىنشا ۇيىمداستىرعان سەمينار تسيكلى.
