ماڭعىستاۋ قۇراماسى 34 تاەكۆوندوشىدان تۇردى. ماسەلەن, Xieng باعدارلاماسى بويىنشا بارلىق 34 سپورتشى مەدال الدى, ونىڭ 10 التىن, 8 كۇمىس جانە 16 قولا. ال Massogi بويىنشا 6 التىن, 5 كۇمىس جانە 3 قولا مەدالمەن قورجىنىمىز تولىقتى.
«وركەن» وقۋ ورتالىعىنىڭ جاتتىقتىرۋشىسى بۇركىت يساك ۇلىنىڭ ايتۋىنشا, اقتاۋلىق تاەكۆوندوشىلار كورسەتكەن ونەرگە ءتانتى بولعاندار كوپ بولىپتى. جەڭىسكە دەگەن جىگەر مەن نامىس جەرلەستەرىمىزدىڭ بيىكتەن كورىنۋىنە مۇمكىندىك بەرگەن.
- ەلىمىزدە تاەكۆوندو قارقىندى دامىپ كەلەدى. ءبىزدىڭ شاكىرتتەرىمىز كوپتەگەن جارىستاردا جەڭىس تۇعىرىن باعىندىرىپ ءجۇر. ال ايماقتا سپورتتىڭ وسى ءتۇرىن دامىتۋعا فەدەراتسيا پرەزيدەنتى ساتتىعۇل ءابىتوۆ كۇش سالىپ كەلەدى. جانىمىزدا بولاشاعىنان زور ءۇمىت كۇتتىرەتىن تالانتتى جاستار ءوسىپ كەلەدى, دەيدى باپكەر. اقتاۋدا اتالمىش سپورت ءتۇرىنىڭ ۇيىرمەلەرى «وركەن», «ورلەۋ» سپورت ورتالىقتارى جانە اقتاۋ قالاسىنداعى №8 ورتا مەكتەپتە بار.
بالعىن تاەكۆوندوشىلار كەزەكتى جارىسقا قىزۋ دايىندىق ۇستىندە. بيىل 1 جەلتوقساندا اقتاۋدا قالالىق تۋرنير وتكىزۋ جوسپارلانعان. ودان سوڭ ورال قالاسىندا رەسپۋبليكالىق دەڭگەيدە جارىس ۇيىمداستىرىلماق. سونىمەن قاتار كەلەر جىلى بولگاريادا الەم چەمپيوناتى وتەدى.
