ال, رەسەيدە ەڭ قىزىقتى جانە قولايلى نەسيە شارتتارى ۇسىنىلادى. نەسيە 30 جىلعا دەيىن جىلدىق مولشەرلەمەسى 7,3% -دان 10,9% -عا دەيىن بەرىلەدى. سونىمەن قاتار, قارىز الۋشىعا بەرىلەتىن نەسيە سوماسى 300 مىڭ رۋبلدەن باستالادى.
ارمەنيادا يپوتەكا مولشەرلەمەسى جىلدىق 8% -دان 13% -عا دەيىن, ال تولەم مەرزىمى 20 جىلعا ەسەپتەلەدى. تۇرعىن ءۇي زاەمدارى ءۇش ۆاليۋتا تۇرىمەن بەرىلەدى: ارميان درامى, دوللار جانە ەۆرو.
درام بويىنشا نەسيەنىڭ ەڭ جوعارى شەگى – 150 ميلليون, ال دوللار مەن ەۋرودا – 300 مىڭ.
سونىمەن بىرگە, بەلارۋسسيادا باسپانا 20 جىلعا ساتىپ الىنادى, تەك ورتاشا مولشەرلەمە 13,7% قۇرايدى. بۇل ەلدەگى يپوتەكالىق نەسيەنىڭ ەرەكشەلىگى – بانكتەر قۇرىلىس كومپانيالارىمەن سەرىكتەسە جۇمىس ىستەيدى. وسىنىڭ ارقاسىندا تۇرعىن ءۇي وبليگاتسيالارىن ساتىپ الاتىن جەكە تۇلعالار نەسيەنى نەعۇرلىم ءتيىمدى شارتتارمەن الا الادى.
ەاەو ەلدەرىنىڭ ىشىندە قىرعىزستاندا يپوتەكا تالاپتارى قاتاڭ. اتاپ ايتقاندا, نەسيە تەك بەس جىلعا (ەگەر سوممەن بەرىلسە) نەمەسە جەتى جىلعا (دوللارمەن بەرىلسە) ۇسىنىلادى. ونىڭ ۇستىنە, جىلدىق مولشەرلەمە 17% باستالادى. نەسيە الۋ ءۇشىن ءسىز ساتىپ الىنعان م ۇلىك قۇنىنان 30% باستاپقى جارنا تولەيسىز.
سونداي-اق قىرعىزستانداعى بانكتەر قارىز الۋشىنىڭ ايلىق تابىسىنا ەرەكشە نازار اۋدارادى.
ساراپشىلار وسىلاردىڭ ىشىندە قازاقستانداعى يپوتەكا شارتتارى قوعامنىڭ قولايىنا بەيىمدەلىپ جاتقاندىقتان, بارىنەن ءباسى باسىم دەپ وتىر.
وسىعان دەيىن اتالىپ وتكەندەي, قازاقستان تۇرعىن ءۇي قۇرىلىس بانكى مەملەكەتتىك باعدارلاما بويىنشا 2 پايىزبەن نەسيە شارتتارىنىڭ جوباسىن دايىنداپ جاتىر.
ايتا كەتۋ كەرەك, بۇل دەرەكتەردە تۇرعىن ءۇي قۇرىلىس جيناق بانكى سياقتى باسقا قارجى ينستيتۋتتارىنداعى مەملەكەتتىك باعدارلامالاردىڭ شارتتارى تۋرالى مالىمەتتەر ەسكەرىلمەگەن.
